স্প’ৰ্টছ ডেস্ক: বৰ্তমান সময়ত 3 খন এদিনীয়া আৰু 5 খন টি-20 মেচৰ কাৰ্যসূচীৰে ৱেষ্ট ইণ্ডিজ ভ্ৰমণত ব্যস্ত আছে ইংলেণ্ড ৷ ছেইণ্ট লুচিয়া ষ্টেডিয়ামত ৱেষ্ট ইণ্ডিজ আৰু ইংলেণ্ডৰ মাজত চতুৰ্থখন টি-20 মেচ অনুষ্ঠিত হয় ।
টছত জয়লাভ কৰি ৱেষ্ট ইণ্ডিজে বলিং কৰাৰ সিদ্ধান্ত গ্ৰহণ কৰে । সেই অনুসৰি প্ৰথমে বেটিং কৰা ইংলেণ্ডে নিৰ্ধাৰিত 20 অভাৰত 5 টা উইকেট হেৰুৱাই 218 ৰাণ সংগ্ৰহ কৰে । ইংলেণ্ডৰ অ’পেনাৰ ফিলিপ ছল্টে 55 ৰাণ আৰু জেকব বেথেলে 62 ৰাণ সংগ্ৰহ কৰে ।
The 2️⃣nd highest target chased by the #MenInMaroon in T20Is to take the win! 🙌🏾#TheRivalry | #WIvENG pic.twitter.com/ycBSNhxKnX
— Windies Cricket (@windiescricket) November 16, 2024
ৱেষ্ট ইণ্ডিজৰ হৈ অ’পেনাৰ চাই হোপ আৰু ইভিন লিৱেছে চমকপ্ৰদ প্ৰদৰ্শন আগবঢ়ায় ৷ প্ৰথম উইকেটৰ যুটীত দুয়োগৰাকীয়ে সংগ্ৰহ কৰে 136 ৰাণ ৷ ইভিন লিউছে (68 ৰাণ) অৰ্ধশতক অৰ্জন কৰাৰ পিছতে হেৰুৱাই উইকেট ৷ ইয়াৰ পিছতে আন এজন অ’পেনাৰ ছাই হোপে 54 ৰাণত হেৰুৱাই উইকেট ৷
ইয়াৰ পিছতে ক্ৰিজলৈ অহা উইকেটকীপাৰ বেটছমেন নিক’লাছ পুৰাণে শূন্যত আউট হৈ সকলোকে হতবাক কৰি তোলে ৷ কিছুসময়ৰ বাবে জয়ৰ দিশত থকা ৱেষ্ট ইণ্ডিজৰ দলটোৱে হঠাতে এক দ্বিধাবোধৰ সন্মুখীন হ’বলগীয়া হয় । অতি কম সময়তে কেইবাটাও উইকেট হেৰুওৱা দলটোৰ অধিনায়ক ৰ’ভামেন পাৱেলে ক্ৰিজত বৰ্তি থাকি দলটোক জয়ৰ দিশত আগুৱাই নিয়ে ৷
Smashed💥...platform set for the #MenInMaroon#TheRivalry | #WIvENG pic.twitter.com/KHgwBGcYbJ
— Windies Cricket (@windiescricket) November 16, 2024
38 ৰাণ সংগ্ৰহ কৰাৰ পিছত পাৱেল এল বি ডব্লিউ আউট হয় । মেচখনৰ শেষৰফালে শ্বাৰবেন ৰাডাৰফোৰ্ডে দলটোৰ বিজয় নিশ্চিত কৰে ৷ 19 অভাৰৰ শেষত ৱেষ্ট ইণ্ডিজে 5 উইকেট হেৰুৱাই 221 ৰাণ সংগ্ৰহ কৰি জয়ৰ সোৱাদ লয় ।
সমান্তৰালকৈ ৱেষ্ট ইণ্ডিজৰ দলটোৱে 5 খন মেচৰ টি-20 শৃংখলাটোত প্ৰথমটো জয়ৰ সোৱাদ লয় ৷ ইংলেণ্ডে ইতিমধ্যে প্ৰথম তিনিখন মেচত জয়লাভ কৰি 3-1 ব্যৱধানত শৃংখলা দখল কৰিছে । দেওবাৰে একেখন ষ্টেডিয়ামতে অনুষ্ঠিত হ’ব ইংলেণ্ড আৰু ৱেষ্ট ইণ্ডিজৰ মাজত পঞ্চম তথা অন্তিমখন টি-20 মেচ ।
লগতে পঢ়ক: চেম্পিয়নছ ট্ৰফীৰ পূৰ্বে পাকিস্তানৰ ৰাজপথত মুম্বাই কাণ্ডৰ মাষ্টাৰ মাইণ্ড
