ছাত্ৰ-ছাত্ৰী, শিক্ষকসকলৰ সুবিধাৰ বাবে বিশেষ এপ তৈয়াৰ বৰপেটাৰ প্ৰসেনজিৎ শৰ্মাৰ

বৰপেটা, 19 নৱেম্বৰ : ছাত্ৰ-ছাত্ৰী, শিক্ষকসকলৰ সুবিধা হোৱাকৈ তিনিটাকৈ বিশেষ এপ তৈয়াৰ কৰিছে প্ৰসেনজিৎ শৰ্মা নামৰ ব্যক্তিজনে ৷ বৰপেটাৰ শিক্ষা বিভাগত কৰ্মৰত প্ৰসেনজিৎ শৰ্মাই তৈয়াৰ কৰা তিনিটা অত্যাধুনিক এপ হৈছে এ আই টিচাৰ (AI Teacher), লেচন প্লেন ক্ৰিয়েটৰ (Lesson Plan Creator) আৰু এ আই প্ৰুফৰিডিং এছিছটেণ্ট (AI Proofreading Assistant) ৷ এই এপ কেইটাৰ দ্বাৰা শিক্ষকসকলৰ লগতে সকলো স্তৰৰ লোক উপকৃত হ’ব বুলি আশা কৰিছে শৰ্মাই ৷

এই এপসমূহৰ পৰা শিক্ষকসকলে অপৰিসীম সুবিধা লাভ কৰিব বুলি আশা কৰা হৈছে, যাৰ ফলত অধিক ফলপ্ৰসূ আৰু দক্ষ পাঠদানৰ পৰিৱেশ গঢ়ি উঠিব । উদ্ভাৱনীমূলক সঁজুলিসমূহ বিভিন্ন পাঠদান শৈলীৰ সৈতে খাপ খুৱাব পৰাকৈ ডিজাইন কৰা হৈছে, যাৰ ফলত এই এপসমূহ বহুতো বিষয় আৰু শ্ৰেণী স্তৰৰ বাবে খাপ খুৱাব পৰা যায় ।

এআই টিচাৰে (AI Teacher) ইন্টাৰেক্টিভ আৰু আকৰ্ষণীয় পাঠৰ সুবিধা প্ৰদান কৰে, আনহাতে পাঠ পৰিকল্পনা সৃষ্টিকৰ্তাই (LESSON PLAN CREATOR)পাঠ্যক্ৰম পৰিকল্পনা সুশৃংখলিত কৰে । এআই প্ৰুফৰিডিং সহায়কে(AI Proofreading Assistant) যি কোনো বাক্য শুদ্ধকৈ লিখিবলৈ সহায় কৰে । এই কথা জানিবলৈ দিছে প্ৰসেনজিৎ শৰ্মাই ৷

লগতে পঢ়ক:ক’লা বজাৰত হাউলী ৰাসৰ লটাৰী টিকট, ৰঙাঘৰৰ বাট প্ৰশস্ত আঠজনৰ