Covid Mock Drill at GMCH : GMCH ত মকড্ৰিলৰ জৰিয়তে চিকিৎসাকৰ্মীক প্ৰশিক্ষণ

ক’ভিডক লৈ দেশজুৰি বিশেষ সতৰ্কতা ৷ বিভিন্ন ৰাজ্যৰ ক’ভিড হাস্পতালত আয়োজন কৰা হৈছে ম’কড্ৰিলৰ (COVID Mock Drill at GMCH)৷ গুৱাহাটী চিকিৎসা মহাবিদ্যালয় হাস্পতালতো(Gauhati Medical College and Hospital) আজি আয়োজন কৰা হয় ম’কড্ৰিলৰ ৷ কামৰূপ(ম) জিলা প্ৰশাসনৰ উদ্যোগত আৰু স্বাস্থ্য বিভাগৰ সহযোগত এই ম’কড্ৰিল কাৰ্যসূচী ৰূপায়ন কৰা হয় ৷ সম্ভাব্য ক’ভিডকালিন পৰিস্থিতিৰ বাবে GMCH ত সাজু কৰা হৈছে ১৫৬ খন বিচনা ৷ ক’ভিড সংক্ৰমিত লোকক তাৎক্ষণিকভাৱে চিকিৎসা আগবঢ়াবৰ বাবে লোৱা হৈছে ব্যৱস্থা ৷ GMCH ৰ ম’কড্ৰিল কাৰ্যসূচীত উপস্থিত থাকে জিলা উপাযুক্ত পল্লৱ গোপাল ঝা (DC Pallav Gopal Jha)৷ ক’ভিডৰ বিৰুদ্ধে যুঁজত যাতে কোনো খুঁত নাথাকে সেইক্ষেত্ৰত গুৰুত্ব আৰোপ কৰিছে হাস্পতাল কৰ্তৃপক্ষই ৷ হাস্পতালখনত চিকিৎসক-নাৰ্ছৰ লগতে ICU, কেবিন, ৱাৰ্ড, অক্সিজেন সকলো সম্পূৰ্ণৰূপে সাজু কৰি ৰখা হৈছে ৷