Maligaon flyover: বুধবাৰে মুখ্যমন্ত্ৰীয়ে উদ্বোধন কৰিব মালিগাঁও উৰণ সেতু

গুৱাহাটী, 29 আগষ্ট: নিৰ্মাণ সম্পূৰ্ণ উঠিছে মালিগাঁও উৰণ সেতুৰ । দীৰ্ঘ প্ৰতিক্ষাৰ অন্তত মুকলি হোৱাৰ পথত উৰণ সেতুখন ৷ কাইলৈ অৰ্থাৎ 30 আগষ্টত মুখ্যমন্ত্ৰী হিমন্ত বিশ্ব শৰ্মাই উৰণ সেতুখন মুকলি কৰিব ৷ সন্ধিয়া 5 বজাত এক আড়ম্বৰপূৰ্ণ অনুষ্ঠানৰ জৰিয়তে মুখ্যমন্ত্ৰীগৰাকীয়ে উৰণ সেতুখন মুকলি কৰিব ৷  

উল্লেখ্য যে 2021 চনত মালিগাঁও উৰণ সেতুখনৰ নিৰ্মাণ কাৰ্য আৰম্ভ কৰা হৈছিল ৷  দুবছৰ ধৰি নিৰ্মাণ কাৰ্যৰ অন্তত মুকলি হ’বলগীয়া উৰণ সেতুখন নিৰ্মাণৰ বাবদ 420 কোটি টকা ব্যয়‌ কৰা‌ হৈছে ৷ উৰণ সেতুখনৰ দৈৰ্ঘ্য 2.6 কিলোমিটাৰ ৷ উৰণ সেতুখন গুৱাহাটীৰ ভিতৰতে অন্যতম দীঘলীয়া সেতু ৷ এই সেতুখনৰ এটা অংশ কামাখ্যা গেটৰ পৰা মালিগাঁৱৰ বৰিপাৰাৰ ৰে’লৱেৰ উৰণ সেতুৰ লগ লাগিছে । মালিগাঁৱৰ পৰা‌ উৰণ সেতুখনৰ এট অংশ পাণ্ডুলৈ গৈছে । মনকৰিবলীয়া যে উৰণ সেতুখন আটকধুনীয়াকৈ সজাই পৰাই তোলা হৈছে ।

লগতে পঢ়ক: Zubeen Garg controversy; ৰাইজৰ হৈ কাম কৰিবলৈ আমাক কোনো ব্যক্তি বিশেষৰ চাৰ্টিফিকেট নালাগে : লুৰীণজ্যোতি গগৈ