Nazirating Tourism Festival: নাজিৰাটিং তামুলী পৰ্যটন উৎসৱত উপস্থিত মুখ্যমন্ত্ৰী

ডিগবৈৰ নাজিৰাটিং তামুলী পৰ্যটন উৎসৱত আজি উপস্থিত হয় ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মা(CM at Nazirating Tamuli Tourism Festival) ৷ তিনিদিনীয়া পৰ্যটন উৎসৱৰ অন্তিম দিনাৰ কাৰ্যসূচীৰ মুকলি সভাত মুখ্য অতিথি হিচাপে অংশগ্ৰহন কৰে মুখ্যমন্ত্ৰীগৰাকীয়ে(3rd Annual Nazirating Tamuli Tourism Festival) ৷ মুখ্যমন্ত্ৰীৰ সৈতে উপস্থিত থাকে কেন্দ্ৰীয় মন্ত্ৰী ৰামেশ্বৰ তেলী(Union Minister Rameshwar Teli), শ্ৰমমন্ত্ৰী সঞ্জয় কিষান, বিধায়ক সুৰেণ ফুকন, বলিন চেতিয়া, ৰূপজ্যোতি কুৰ্মী, তৰংগ গগৈকে আদি কৰি কেইবাগৰাকীও বিশিষ্ট ব্যক্তি ৷ উক্ত অনুষ্ঠানৰ মুকলি সভাতেই নাজিৰাটিং তামূলী পৰ্যটনস্থলী উন্নত কৰিবলৈ তিনি কোটি টকা, দুৱাৰমৰা হাবিৰ মাজেৰে ডুমডুমালৈ ১০ কিলোমিটাৰৰ এটা পথ নিৰ্মাণ কৰা, ডিগবৈ শোধনাগাৰটো সম্প্ৰসাৰণৰ কথা ঘোষণা কৰে মুখ্যমন্ত্ৰীগৰাকীয়ে ৷ সমান্তৰালভাৱে তিনিচুকীয়াৰ মাগুৰি বিললৈ অতি শীঘ্ৰে এদিন আহি পৰ্যটনৰ আকৰ্ষণৰ কেন্দ্ৰ হিচাপে কি কৰিব পাৰে পৰ্যবেক্ষণ কৰিব বুলি তেওঁ জানিবলৈ দিয়ে ৷