বিধানসভাৰ উপাধ্যক্ষ নোমল মমিনৰ কনভয় দুৰ্ঘটনাগ্ৰস্ত

গোলাঘাট, 25 নৱেম্বৰ : মহিন্দ্ৰা থাৰ আৰু এল্টৰ মুখামুখি সংঘৰ্ষ । গোলাঘাট দেৰগাঁও পথৰ পদুমণিত সংঘটিত হয় এই ঘটনা । মাজুলীৰ পৰা অসম বিধানসভাৰ বিধানসভাৰ উপাধ্যক্ষ গৰাকী উভতি অহাৰ পথত সংঘটিত এই ঘটনা । কথমপি ৰক্ষা পৰে উপাধ্যক্ষ নোমল মমিনৰ গাড়ীখন । দুৰ্ঘটনা সংঘটিত কৰা বাহনৰ যুৱকজনে সুৰাসক্ত হৈ ঘটনাস্থলীতে উদ্ভণ্ডালি কৰা দেখা যায় ।

যোৰহাটৰ পৰা গোলাঘাট অভিমুখে উপাধ্যক্ষ গৰাকীৰ বাহনক এছক’ৰ্ট দি গৈ থকা AS09 E 7758 নম্বৰৰ থাৰখনত তীব্ৰবেগত খুন্দা মাৰে সন্মুখৰ ফালৰ পৰা আহি থকা AS-03AK 6062 নম্বৰৰ এল্টখনে ।  ঘটনাস্থলীত আৰক্ষী উপস্থিত হৈ সুৰামত্ত যুৱকজনক আটক কৰি লৈ যায় । এই দুৰ্ঘটনাৰ ফলত সামান্য পৰিমাণে আঘাতপ্ৰাপ্ত হয় কনভয়ৰ বাহনখনৰ আৰক্ষী ।

লগতে পঢ়ক : ব্ৰহ্মপুত্ৰৰ বুকুত আৱদ্ধ বিধানসভাৰ উপাধ্যক্ষ ডাঃ নোমল মমিনসহ 22 জনীয়া এটা দল