Congress Protest Against BJP : বঙাইগাঁৱত জিলা কংগ্ৰেছৰ প্ৰতিবাদী কাৰ্যসূচী

বঙাইগাঁও, 7 অক্টোবৰ : বঙাইগাঁও চহৰৰ মহাত্মা গান্ধী ৰোডস্থিত ৰাজীৱ ভৱনৰ সন্মুখত বঙাইগাঁও জিলা কংগ্ৰেছৰ প্ৰতিবাদী কাৰ্যসূচী ৷ ভাৰতীয় জনতা পাৰ্টিয়ে ৰাহুল গান্ধীক ৰাৱণৰ সৈতে তুলনা কৰি টুইটাৰযোগে এখন বিকৃত ফটো শ্বেয়াৰ কৰাক লৈ কংগ্ৰেছে সাব্যস্ত কৰিছে এই প্ৰতিবাদ ৷

সমগ্ৰ দেশ তথা ৰাজ্যৰ লগতে বঙাইগাঁও জিলাৰ কংগ্ৰেছ কৰ্মীসকলেও বিজেপিৰ এই কাৰ্যৰ বিৰুদ্ধে প্ৰতিবাদী কাৰ্যসূচী ৰূপায়ণ কৰে ৷ শতাধিক কংগ্ৰেছ কৰ্মীয়ে বঙাইগাঁৱৰ মহাত্মা গান্ধী ৰোডস্থিত ৰাজীৱ ভৱনৰ পৰা এক প্ৰতিবাদী পদযাত্ৰা উলিয়াই ৷ বঙাইগাঁও জিলা কংগ্ৰেছৰ সভাপতি আবুল কাচেমৰ নেতৃত্বত তথা কংগ্ৰেছৰ ৰাজ্যিক সম্পাদক জ্যোতিৰ্ময় বৈশ্যৰ উপস্থিতিত ৰাজীৱ ভৱনত জিলা কংগ্ৰেছে এই প্ৰতিবাদী কাৰ্যসূচী সাব্যস্ত কৰে ৷

ৰাহুল গান্ধীক বিজেপিয়ে ৰাৱণ সজোৱা কাৰ্যক তীব্র ভাষাৰে গৰিহণা দিয়ে জিলা কংগ্ৰেছে ৷ লগতে ২৪ৰ লোকসভা নিৰ্বাচনত পৰাজয়ৰ আশংকাত বিজেপিয়ে এনে নিকৃষ্ট ৰাজনীতি কৰাৰ অভিযোগ বঙাইগাঁও জিলা কংগ্ৰেছৰ ৷ 

লগতে পঢ়ক : Protest against BJP : ৰাহুল গান্ধীক ৰাৱণ চৰিত্ৰৰ সৈতে ৰিজোৱাৰ বিৰুদ্ধে প্ৰতিবাদ