Body found in Teok Bongaon:কাকজান বনগাঁৱত মৃতদেহ উদ্ধাৰ

টীয়ক, 10 মাৰ্চ : টীয়কৰ কাকজান বনগাঁৱৰ এডৰা পথাৰত এটা মৃতদেহ উদ্ধাৰ হৈছে (body found in Teok Bongaon) । মৃত ব্যক্তিজনৰ নাম নগেন বৰুৱা বুলি জানিব পৰা গৈছে ৷ প্ৰায় 61 বছৰীয়া ব্যক্তিজনৰ মৃতদেহত আঘাতৰ চিন পোৱা গৈছে ।

পথাৰত ক্ষত-বিক্ষত অৱস্থাত পৰি থকা মৃতদেহটো দেখি সন্দেহ প্ৰকাশ কৰিছে পৰিয়ালৰ লোকে ৷ অৱশ্য ব্যক্তিজন প্ৰায়ে সুৰাসক্ত হৈ থাকে বুলি স্থানীয় ৰাইজে জানিবলৈ দিছে । সেয়ে নিশা কোনো কাৰণত সুৰাৰ জালত এইদৰে লোকৰ বাৰীত পৰি মৃত্যুক আঁকোৱালি লৈছে বুলি গাৱঁৰ ৰাইজে অৱগত কৰিছে (Bongaon news) ।

আনহাতে লাহদৈগড় আৰক্ষীয়ে ইতিমধ্যে ঘটনাস্থলীত উপস্থিত হৈ মৃতদেহটো মৰণোত্তৰ পৰীক্ষাৰ বাবে যোৰহাট চিকিৎসা মহাবিদ্যালয়লৈ প্ৰেৰণ কৰাৰ ব্যৱস্থা কৰিছে । উল্লেখযোগ্য যে, ব্যক্তিজনে বহুদিন ধৰি এটা অকলশৰীয়া জীৱন অতিবাহিত কৰি আহিছিল ।

লগতে পঢ়ক : HSLC exam 2023 : লাহৰীঘাট পৰীক্ষা কেন্দ্ৰৰ পৰা বহিষ্কাৰ ৯ গৰাকী নকল কৰা পৰীক্ষাৰ্থীক