Assam Govt distribute Bicycles : তিনিচুকীয়াৰ নৱম শ্ৰেণীৰ ১২৭৭০ গৰাকী শিক্ষাৰ্থীক চাইকেল প্ৰদান

তিনিচুকীয়া, ১৩ অক্টোবৰ : শুকুৰবাৰে তিনিচুকীয়াৰ জানমুখ খেলপথাৰত ৰাজ্য চৰকাৰৰ বিদ্যালয় শিক্ষা বিভাগৰ তৰফৰ পৰা তিনিচুকীয়া জিলাৰ নৱম শ্ৰেণীৰ ছাত্ৰ-ছাত্ৰীসকলকৰ মাজত চাইকেল প্ৰদান অনুষ্ঠানৰ আয়োজন কৰা হয় ৷ “শিক্ষাৰ্থীৰ কল্যাণ চৰকাৰৰ দায়বদ্ধতা জ্ঞান অন্বেষণৰ সুগম হ’ব যাত্ৰা” এই শ্ল’গানৰ সাৰোগত কৰি ছাত্ৰ-ছাত্ৰীসকলক প্ৰদান কৰা হয় এই চাইকেল ।

সৰ্বমুঠ অনুমোদিত ধন ১৬০,৯৩,৪১,৬২৪  টকা ব্যয় সাপেক্ষে জিলাখনত ১২৭৭০ গৰাকী ছাত্ৰ-ছাত্ৰীয়ে লাভ কৰিছে চাইকেল ৷ জিলা আয়ুক্ত স্বপ্নীল পালে উদ্দেশ্য ব্যাখ্যা আগবঢ়োৱা উক্ত অনুষ্ঠানত বিশেষ অতিথি হিচাপে উপস্থিত থাকি চাইকেল বিতৰণ কৰে লখিমপুৰ লোকসভা সমষ্টিৰ সাংসদ প্ৰদান বৰুৱাই ।

সাংসদগৰাকীৰ লগতে ডিগবৈৰ বিধায়ক সুৰেণ ফুকন, ডুমডুমাৰ বিধায়ক ৰূপেশ গোৱালা, শদিয়াৰ বিধায়ক বলিন চেতিয়া, তিনিচুকীয়া উন্নয়ন প্ৰাধিকৰণৰ অধ্যক্ষ কাজল গোঁহাই, তিনিচুকীয়া পৌৰসভাৰ অধ্যক্ষ পবিত্ৰ গগৈ উপস্থিত থাকে ৷

লগতে পঢ়ক : Orunodoi Scheme 2: গোৱালপাৰাত অৰুণোদয় আঁচনিৰ কাৰ্ড বিতৰণ অনুষ্ঠানত মন্ত্ৰী ৰণজিৎ কুমাৰ দাস