Bhupen Hazarika Central Memorial Day program : চিলাপথাৰত ড৹ ভূপেন হাজৰিকাৰ কেন্দ্ৰীয় স্মৃতি দিৱসৰ আয়োজন

জোনাই, 4 নৱেম্বৰ : ধেমাজিৰ চিলাপথাৰত অসম জাতীয়তাবাদী যুৱ ছাত্ৰ পৰিষদৰ উদ্যোগত অনুষ্ঠিত কৰা হ’ব সুধাকণ্ঠ ড৹ ভূপেন হাজৰিকাৰ কেন্দ্ৰীয় স্মৃতি দিৱস । AJYCP ৰ উদ্যোগত আৰু ধেমাজি জিলা সমিতিৰ সহযোগত 5 নৱেম্বৰত চিলাপথাৰ মাজগাঁও ৰাসমন্দিৰ প্ৰাংগনত অনুষ্ঠিত হ’ব এই অনুষ্ঠান ৷

এই দিৱসৰ বাবে এতিয়া চলিছে তীব্ৰ গতিত প্ৰস্তুতি । ইতিমধ্যেই মূল মঞ্চ, পতাকা বেদী, শ্বহীদ বেদী, নিৰ্মাণ প্ৰায় সম্পূৰ্ণ হৈ উঠিছে । স্মৃতি দিৱসৰ লগত সংগতি ৰাখি 4 নৱেম্বৰ তাৰিখে ধেমাজি বাছ আস্থানৰ কাষত সুধাকণ্ঠৰ এটি আৱক্ষ প্ৰতিমূৰ্তি উন্মোচন কৰা হ’ব ।

এই অনুষ্ঠানত অসমৰ বিভিন্ন ছাত্ৰ সংগঠনৰ নেতৃত্বই উপস্থিত থকাৰ লগতে নিশা সাংস্কৃতিক সন্ধিয়াত গীত পৰিৱেশন কৰিব অসমৰ জনপ্ৰিয় কণ্ঠশিল্পী বিপিন চাউদাঙৰ লগতে জিতু চেতিয়াই । সকলো ৰাইজৰে উপস্থিতি আৰু সহযোগ কামনা কৰিছে আয়োজক সমিতিয়ে ।

লগতে পঢ়ক : Golden Jubilee of Sarupathar College: তথ্য প্ৰযুক্তি, প্ৰতিযোগিতাৰ যুগত ছাত্ৰ-ছাত্ৰীৰ পৰা কি আশা কৰে মন্ত্ৰী অতুল বৰাই ?