Houses burnt in fire: অগ্নিকাণ্ডত সৰ্বস্ব হেৰুৱা ৭টা পৰিয়াললৈ ভোগপুৰ সত্ৰৰ সহায়ৰ হাত

সোমবাৰে মাজুলীৰ ভোগপুৰ সত্ৰৰ সমীপৰ ওপৰ সোণোৱাল কানীয়াজনত সংঘটিত হৈছিল এক ভয়ংকৰ অগ্নিকাণ্ড (Fire break out in Majuli) । অগ্নিকাণ্ডত ভস্মীভূত হৈছিল ৭টাকৈ পৰিয়ালৰ বাসগৃহ (Houses burnt in fire)। অগ্নিকাণ্ডৰ কাৰণ বৰ্তমানলৈকে জানিব পৰা হোৱা নাই যদিও চৰ্ট চাৰ্কিটৰ ফলত অগ্নিকাণ্ড সংঘটিত হোৱাৰ সন্দেহ কৰা হৈছে । ইফালে অগ্নিকাণ্ডত সৰ্বস্ব হেৰুৱাই বৰ্তমান এই দুৰ্ভগীয়া পৰিয়ালকেইটাই আশ্ৰয় লৈছে শিবিৰত । দুৰ্ভগীয়া পৰিয়ালৰ এই দুসময়ত সাহস হৈ কাষত থিয় দিছে মাজুলীৰ ঐতিহাসিক ভোগপুৰ সত্ৰ ৷ সত্ৰ তৰফৰ পৰা আগবঢ়াইছে কিছু সাহায্য । ভোগপুৰ সত্ৰৰ সত্ৰাধিকাৰগৰাকীয়ে এই পৰিয়ালকেইটাক অসমবাসী, মাজুলীবাসী তথা জিলা প্ৰশাসনক কিছু সাহায্য প্ৰদান কৰি সকাহ দিবলৈ আহ্বান জনাইছে ৷