এজাক বৰষুণতেই কৃত্ৰিম বানৰ সৃষ্টি হয় জখলাবন্ধা গ্ৰাম্য চিকিৎসালয়ৰ চৌহদত

এজাক বৰষুণ দিলেই কলিয়াবৰ মহকুমাৰ জখলাবন্ধা গ্ৰাম্য চিকিৎসালয়ৰ চৌহদত সৃষ্টি হয় কৃত্ৰিম বান (Artificial Flood in Hospital Campus at Kaliabor)। জখলাবন্ধা এফ আৰ ইউ চিকিৎসালয়ৰ চৌহদটোও পৰিণত হৈছে এক কদৰ্যময় পৰিবেশলৈ (Jakhalabandha FRU community hospital) ৷ ফলত লেতেৰা পানী গছকি চিকিৎসালয়লৈ আহিব লগা হয় চিকিৎসক তথা ৰোগী । উপযুক্ত নলা-নৰ্দমাৰ ব্যৱস্থা নথকাৰ বাবেই বৰষুণৰ সময়চোৱাত পথৰ পানীয়ে বুৰাই পেলাই চিকিৎসালয়ৰ চৌহদ ৷ যাৰ ফলত ব্যাপক সমস্যাৰ সৃষ্টি হৈছে চিকিৎসালয়খনত । অস্বাস্থ্যকৰ পৰিবেশৰ মাজতে চিকিৎসা গ্ৰহণ কৰিব লগা হয় ৰোগীয়ে ।