Ragging at Dhing Jawahar Navodaya Vidyalaya: নগাঁৱৰ ধিং জৱাহৰ নৱোদয় বিদ্যালয়তো ৰেগিঙৰ অভিযোগ

ডিব্ৰুগড় বিশ্ববিদ্যালয়ত ৰেগিঙৰ ঘটনাৰ চাঞ্চল্য মাৰ নৌযাওতেই পুনৰ পোহৰলৈ আহিছে আন এক ৰেগিঙৰ ঘটনা(Dibrugarh University ragging controversy) । এইবাৰ নগাঁৱৰ ধিং জৱাহৰ নবোদয় বিদ্যালয়তো উত্থাপন হৈছে ৰেগিঙৰ অভিযোগ(Dhing Jawahar Navodaya Vidyalaya ragging controversy) । ধিং জৱাহৰ নৱোদয় বিদ্যালয়ত ৰেগিঙৰ নামত পাশৱিক নিৰ্যাতনৰ অভিযোগ উত্থাপন হৈছে । প্ৰাক্তন ছাত্ৰৰ পাশৱিক নিৰ্যাতন সহিব নোৱাৰি বিদ্যালয় এৰিলে বটদ্ৰৱাৰ কেইবাজনো ছাত্ৰই । এই চাঞ্চল্যকৰ ঘটনা পোহৰলৈ আনিছে তৰুণ শইকীয়া নামৰ এগৰাকী অভিভাৱকে । ঘটনা সন্দৰ্ভত নগাঁৱৰ উপায়ুক্ত আৰু শ্বিলংস্থিত নৱোদয় বিদ্যালয়ৰ কাৰ্যালয়ত লিখিত অভিযোগ দাখিল কৰাৰ পিছতো কোনো পদক্ষেপ নোলোৱাৰ অভিযোগ ভুক্তভোগী অভিভাৱকৰ । ন্যায় বিচাৰি মুখ্যমন্ত্ৰীৰ হস্তক্ষেপ কামনা ভুক্তভোগী ছাত্ৰৰ পিতৃ-মাতৃৰ । ইফালে নিৰ্যাতন সহিব নোৱাৰি বহু ছাত্ৰই বিদ্যালয় এৰাৰ অভিযোগ তৰুণ শইকীয়া নামৰ ব্যক্তিগৰাকীৰ ।