খটখটী টিলাবস্থিত সাতদিনীয়াকৈ আৰম্ভ হৈছে শ্ৰীমদ্ভগৱত্‌‌‌‌গীতা কথা

ডিফু, 13 ডিচেম্বৰ : বিশ্ব শান্তিৰ উদ্দেশ্যৰে আজিৰে পৰা সাতদিনীয়াকৈ কাৰ্বি আংলঙৰ বোকাজান মহকুমাৰ অন্তৰ্গত খটখটী টিলাবস্তিত আৰম্ভ হৈছে শ্ৰীমদ্ভগৱত্‌‌‌‌গীতা কথা ৷ বুধবাৰে পুৱাৰে পৰা সাতদিনীয়াকৈ আৰম্ভ হৈছে এই শ্ৰীমদ্ভগৱত্‌‌‌‌গীতা কথা ৷

পুৱাৰ ভাগত প্ৰায় দুই শতাধিক ভক্তপ্ৰাণ ৰাইজে কলহ যাত্ৰাৰে শুভাৰম্ভ কৰে এই শ্ৰীমদ্ভগৱত্‌‌‌‌গীতা কথা মহাযজ্ঞৰ ৷ শ্ৰীমদ্ভগৱত্‌‌‌‌গীতা কথা মহাযজ্ঞৰ আজি প্ৰথম দিনা টিলাবস্তিৰ ভাগৱত কথা মণ্ডপৰ পৰা খটখটী ফৰেষ্ট গেট হনুমান মন্দিৰলৈকে এক কলহযাত্ৰা বাহিৰ কৰে ভক্তপ্ৰাণ ৰাইজে ৷ কলহ যাত্ৰাৰ পাচত মণ্ডপত আৰতী কৰে ভক্তপ্ৰাণ ৰাইজে ৷

20 ডিচেম্বৰলৈকে চলিব এই কাৰ্যসূচী ৷ এই অনুষ্ঠানত উপস্থিত থাকে স্বামী মহন্ত আচাৰ্য লক্ষৰাম জি মহাৰাজৰ লগতে ভাগৱত সেৱা সমিতিৰ সভানেত্ৰী, সম্পাদিকাসহ প্ৰায় দুই শতাধিক ৰাইজ ৷

লগতে পঢ়ক : কেদাৰনাথত এতিয়া কেৱল তুষাৰপাত, যেন এখন শুভ্ৰ ছাদৰ !