Drugs Seized: মহানগৰীৰ ISBTত জব্দ বৃহৎ পৰিমাণৰ ড্ৰাগছ

গুৱাহাটী, 12 এপ্ৰিল:  মহানগৰীত পুনৰ বৃহৎ পৰিমাণৰ ড্ৰাগছ জব্দ আৰক্ষীৰ ৷ মহানগৰীৰ ISBTৰ পৰা জব্দ কৰা হৈছে ড্ৰাগছখিনি (Drugs seized at Guwahati) ৷  বুধবাৰে পুৱা 7 বজাত এক গোপন খবৰৰ ভিত্তিত গড়চুক আৰক্ষীয়ে অভিযান চলাই জব্দ কৰে ড্ৰাগছখিনি (Drugs seized at ISBT in Guwahati) ৷

গড়চুক থানাৰ ভাৰপ্ৰাপ্ত আৰক্ষী বিষয়া সত্যেন্দ্ৰ সিংহ হাজাৰীৰ নেতৃত্বত চলা এই অভিযানত আৰক্ষীয়ে মুঠ ১০ টা চাবোনৰ বাকচত উদ্ধাৰ কৰে ড্ৰাগছখিনি ৷ ড্ৰাগছখিনিৰ বজাৰ মূল্য প্ৰায় ৮ লাখ টকা হ'ব বুলি জানিব পৰা গৈছে | আৰক্ষীয়ে ড্ৰাগছৰ লগতে আটক কৰে তিনিটাকৈ সৰবৰাহকাৰীক ৷ সৰবৰাহকাৰী কেইটা বৰপেটা ৰোডৰ আমিৰ আলী, ফিৰোজ আলী আৰু হবিবুৰ ৰহমান বুলি জানিব পৰা গৈছে ৷ ড্ৰাগছখিনি শিলচৰৰ পৰা গুৱাহাটীলৈ লৈ অহাৰ সময়তে গড়চুক আৰক্ষীয়ে ISBT ত জব্দ কৰে (3 drugs peddler arrested in Guwahati) ৷