Burmese Supari at Raha: ৰহাত 25 বস্তা বাৰ্মিজ চুপাৰি জব্দ, আটক ডাম্পাৰৰ চালক

ৰহা, 6 অক্টোবৰ: ৰাজ্যত অব্যাহত আছে অবৈধ বাৰ্মিজ চুপাৰিৰ সৰবৰাহ ৷ শুকুৰবাৰে ৰহাত বৃহৎ পৰিমাণৰ সন্দেহযুক্ত বাৰ্মিজ চুপাৰি জব্দ কৰা হয় ৷ ডিমাপুৰৰ পৰা ৰহা অভিমুখী এখন ডাম্পাৰত সৰবৰাহ কৰি থকা অৱস্থাত ৰহা টোলগেটৰ সমীপত ৰহা আৰক্ষীৰ যান-বাহন শাখাই জব্দ কৰে ২৫ বস্তা সন্দেহজনক বাৰ্মিজ চুপাৰি ৷  চুপাৰিখিনি কঢ়িয়াই অনা ডাম্পাৰখনৰ নম্বৰ AS 04 AC 9070 ৷ গোপন সূত্ৰৰ ভিত্তিত ৰহা আৰক্ষীয়ে ৰাষ্ট্ৰীয় ঘাইপথত অভিযান চলাই ডাম্পাৰসহ চুপাৰিখিনি জব্দ কৰে ৷ চুপাৰিখিনি জব্দ কৰাৰ উপৰিও ডাম্পাৰখনৰ চালকক আটক কৰিছে আৰক্ষীয়ে ৷ আনহাতে কোনোধৰণৰ বৈধ নথি-পত্ৰ নথকা চুপাৰিখিনিৰ সন্দৰ্ভত বৰ্তমান আৰক্ষীয়ে পৰীক্ষা-নিৰীক্ষা অব্যাহত ৰাখিছে ৷

লগতে পঢ়ক: Robbery in Nagaon: অকলশৰীয়া মহিলাৰ বাসগৃহত ডকাইতিকাণ্ড