পত্নী-পুত্ৰ সহিতে ন্যায়িক জিম্মালৈ প্ৰেৰণ আজম খানক

উত্তৰ প্ৰদেশৰ সমাজবাদী পাৰ্টীৰ সাংসদ আজম খানক 7 দিনৰ ন্যায়িক জিম্মালৈ প্ৰেৰণ কৰা হয় ৷ বুধবাৰে পত্নী তানজিম ফাটিমা আৰু পুত্ৰ আব্দুল্লাহ আজম খান সহিতে সাংসদগৰাকী আদালতত হাজিৰ হয় ৷ ভুৱা নথিপত্ৰ প্ৰদান কৰাৰ বাবেই সাংসদগৰাকীক এইদৰে আদালতত উপস্থিত হ'বলৈ নিৰ্দেশনা প্ৰদান কৰা হৈছিল আৰু আদালতে বৰ্তমানে 7 দিনৰ ন্যায়িক জিম্মালৈ প্ৰেৰণ কৰে ৷ সমগ্ৰ গোচৰটোৰ শুনানি মাৰ্চৰ 2 তাৰিখে গ্ৰহণ কৰা হ'ব বুলি আজম খানৰ অধিবক্তা খলীল উল্লাহ খানে জানিবলৈ দিয়ে ৷