মানিকপুৰত আই পি এলৰ জুৱাৰী আটক

দেওবাৰে পুৱতি নিশা মানিকপুৰ আৰক্ষী বিষয়া অজয় কুমাৰ সাহাৰ নেতৃত্বত পাতিলাদহা বজাৰত অভিযান চলাই আই পি এলৰ জুৱা চলোৱা দুজনকৈ জুৱাৰীক হাতে লোটে আটক কৰে (IPL Gmblers arrested by Manikpur Police) ৷ আটকাধীন জুৱাৰীদুজন ক্ৰমে, পাতিলাদহাৰ সমীৰণ বৰুৱা আৰু আজগৰ আলী বুলি জানিব পৰা গৈছে ৷ জুৱাৰী দুজনৰ পৰা আৰক্ষীয়ে দুটা মোবাইল আৰু ৰেজিষ্টাৰ বহী এখন জব্দ কৰে ৷ ইফালে, একেদিনাই মানিকপুৰ আৰক্ষীয়ে অভিযান চলাই ড্ৰাগছৰ লগত জড়িত থকা ইয়াকুব আলী মণ্ডল নামৰ আন এজন মোষ্ট ৱান্টেড অপৰাধীক আটক কৰিবলৈ সক্ষম হৈছে (Most wanted drugs smuggler arrested) ৷