Awareness rally in Rangia: নাৰী নিৰ্যাতনৰ বিৰুদ্ধে সজাগতা সমদল

ৰঙিয়াত শুকুৰবাৰে ৰঙিয়া উন্নয়ন খণ্ডৰ অন্তৰ্গত আকাশী গংগা মণ্ডলৰ দুই শতাধিক মহিলাই এক সজাগতা সমদল উলিয়াই (Awareness rally at Rangia)। মূলতঃ নাৰী নিৰ্যাতন, বাল‍্য বিবাহ, শিশু শ্রমিক, মাদক দ্ৰব্যৰ বিৰুদ্ধে শ্ল'গান দিয়ে । মহিলাসকলে একেদিনাই তিনিটাকৈ কাৰ্যসূচী ৰূপায়ণ কৰে । প্ৰথমে ৰঙিয়াৰ খৈৰাবাৰীত সজাগতা সমদল উলিওৱাৰ পিছত ৰাজহুৱা মন্দিৰৰ প্ৰাংগণত এখন বাটৰ নাট প্ৰদৰ্শন কৰে (Street play Performance in Rangia)। ইয়াৰ পিছতে অনুষ্ঠিত আলোচনাত জীৱিকা সখীৰ সৈতে মহিলাসকলে সুৰক্ষা তথা অধিকাৰৰ বিষয়ে আলোচনা কৰে । উক্ত কাৰ্যসূচীত ৰঙিয়াৰ মৰাণজানা, বৰদল আৰু চেপ্তী পঞ্চায়তৰ আত্মসহায়ক গোটসমূহে অংশগ্ৰহণ কৰে ।