AASU School Bag Distribution: ৰঙিয়াত ছাত্ৰ-ছাত্ৰীৰ মাজত আছুৱে বিতৰণ কৰিলে স্কুলবেগ

ৰঙিয়াৰ বালিসত্ৰত আছুৰ স্কুলবেগ বিতৰণ কাৰ্যসূচী দেওবাৰে অনুষ্ঠিত হয়(AASU distributed school bags at Rangia)। ৰঙিয়া আঞ্চলিক ছাত্ৰ সন্থাৰ(Rangia AASU) অন্তৰ্গত বানপীড়িত বিভিন্ন অঞ্চলত তিনি হাজাৰ ছাত্ৰ-ছাত্ৰীৰ মাজত বিতৰণ কৰিবলগীয়া এই কাৰ্যসূচীৰ আৰম্ভণি অনুষ্ঠানত কেইবাশ ছাত্ৰ-ছাত্ৰীৰ লগতে বহুকেইগৰাকী বিশিষ্ট ব্য়ক্তি উপস্থিত থাকে । উল্লেখ্য় যে শেহতীয়াকৈ ৰঙিয়াৰ লগতে পাৰ্শ্বৱৰ্তী অঞ্চলত বানে ভয়াৱহ ৰূপ ধাৰন কৰিছিল । ৰাজ্যৰ শিক্ষানুষ্ঠানসমূহ গ্ৰীষ্মকালীন বন্ধৰ পাছত খুলিবলৈ লোৱাৰ সময়তে ছাত্ৰ-ছাত্ৰীসকলক সকাহ দিয়াৰ উদ্দেশ্যে এই পদক্ষেপ গ্ৰহন কৰে ৰঙিয়া আঞ্চলিক ছাত্ৰ সন্থাই । উক্ত অনুষ্ঠানত সংগঠনটোৰ কেন্দ্ৰীয় নেতা প্ৰকাশ দাস, কামৰূপ জিলা সমিতিৰ সভাপতি হেমন্ত দাস প্ৰমুখ্যে নেতৃবৃন্দই অংশগ্ৰহণ কৰে । অনাগত দিনত ৰঙিয়াত বানে বিধস্ত কৰা অঞ্চলসমূহত প্ৰথম শ্ৰেণীৰ পৰা পঞ্চম শ্ৰেণীৰ ছাত্ৰ-ছাত্ৰীৰ মাজত স্কুলবেগ বিতৰণ কৰা হ'ব বুলি সদৰি কৰে আছু নেতৃবৃন্দই ।