Majuli by election 2022: মনোনয়ন দাখিল প্ৰাৰ্থী চিত্তৰঞ্জন বসুমতাৰীৰ

ৰাজ্যত এতিয়া বলিছে উপ নিৰ্বাচনৰ গৰম বা (By election 2022) ৷ যিমানে নিৰ্বাচনৰ দিন কাষ চাপিছে, সিমানেই ৰাজ্যনৈতিক দলসমূহৰ মাজত বৃদ্ধি পাইছে নিৰ্বাচনী তৎপৰতা ৷ আগন্তুক ৭ মাৰ্চত অনুষ্ঠিত হ’ব লগা উপ-নিৰ্বাচনৰ বাবে কংগ্ৰেছ মিত্ৰজোঁটৰ প্ৰাৰ্থী চিত্তৰঞ্জন বসুমতাৰীয়ে বৃহস্পতিবাৰে দাখিল কৰে মনোনয়ন পত্ৰ (Chittaranjan Basumatary files nomination) । প্ৰাৰ্থীগৰাকীয়ে মনোনয়ন পত্ৰ দাখিল কৰাৰ সময়ত তেওঁক সংগ দিয়ে অসম প্ৰদেশ কংগ্ৰেছ কমিটিৰ সভাপতি ভূপেন বৰাই । আনহাতে, মনোনয়ন পত্ৰ দাখিল কৰি সংবাদ মাধ্যমৰ আগত তেওঁ কয় যে, বিজেপি দলৰ বিৰুদ্ধে যি যুঁজ হ'ব, সেই যুঁজত বিপুল সংখ্যক ভোটৰ ব্যৱধানত জয়ী হ’ব অসম জাতীয় পৰিষদ তথা মিত্ৰজোঁট । এই ক্ষেত্ৰত মাজুলীবাসীৰ সহায় বিচাৰিছে মিত্ৰজোঁটৰ প্ৰাৰ্থী চিত্তৰঞ্জন বসুমতাৰীয়ে ৷