ৰাজপথত দাউদাউকৈ জ্বলিল চলন্ত বাইক

বিশ্বনাথত অঘটন ৷ সোমবাৰে বিশ্বনাথ নগৰৰ কলেজ ৰোডত দাউদাউকৈ জ্বলি উঠিল এখন চলন্ত মটৰ চাইকেল ৷ বিয়লি প্ৰায় ৩ মান বজাত সৌৰভ শৰ্মা নামৰ যুবকজনে তেওঁৰে বন্ধু বিতুমনি বৰঠাকুৰৰ সৈতে Yamaha 15R বাইকখন লৈ হাস্পতাল ৰোডৰ পৰা কলেজ ৰোডৰ দিশে গৈ আছিল ৷ চলন্ত অৱস্থাতে বিশ্বনাথৰ কলেজ ৰোডৰ সমীপতে হঠাৎ জ্বলি উঠে বাইখন ৷ লগে লগে বাইক চালক সৌৰভ শৰ্মাই বাইকখন এৰি নিৰাপদ স্থানত অৱস্থান কৰে । ইফালে স্থানীয় লোকে ততাতৈয়াকৈ অগ্নিদগ্ধ বাইকখনত পানী মাৰি জুই নিয়ন্ত্ৰণৰ চেষ্টা চলায় ৷ অৱশ্যে পৰৱৰ্তী সময়ত ঘটনাস্থলীত উপস্থিত হয় বিশ্বনাথ চাৰিআলি যান-বাহন বিভাগৰ আৰক্ষী তথা অগ্নিনিৰ্বাপক বাহিনীৰ লোক ৷ আৰক্ষীয়ে থানালৈ লৈ যায় অগ্নিদগ্ধ বাহনখন ৷ আৰক্ষীৰ সন্দেহ বাইকখনৰ কোনো যান্ত্ৰিক বিজুতিৰ ফলতে এনে অঘটন সংঘটিত হৈছে ৷