বিশিষ্ঠ সাহিত্যিক অক্ষয় কুমাৰ মিশ্ৰলৈ জীৱনজোৰা সাধনা বঁটাৰ সন্মান

বিশিষ্ঠ সাহিত্যিক, সাংবাদিক, কলাগুৰু বঁটাপ্ৰাপক অক্ষয় কুমাৰ মিশ্ৰক জীৱনজোৰা সাধনা বঁটা প্ৰদান (Akshay Kumar Mishra honored with lifetime achievement award)৷ বৰপেটাৰ সামাজিক সংস্থা আপৰাইজিং ইয়ুথ অৰ্গেনাইজেছনৰ তৰফৰ পৰা বৃহস্পতিবাৰে বিশিষ্ঠ সাহিত্যিক গৰাকীক নিজ বাসগৃহত এই বঁটা প্ৰদান কৰা হয় ৷ সাহিত্য, সাংবাদিকতা, শিক্ষকতা, সমাজসেৱাৰে সমাজলৈ আগবঢ়োৱা অনবদ্য সেৱাৰ বাবে বৰপেটাৰ সমাজপ্ৰাণ অক্ষয় কুমাৰ মিশ্ৰক জীৱনজোৰা সাধনা বঁটাৰে সন্মানিত কৰা হয় ৷ বৰপেটাৰ সামাজিক সংস্থা আপৰাইজিং ইয়ুথ অৰ্গেনাইজেছন নামৰ সামাজিক সংস্থাটোৰ ৰূপালী জয়ন্তী বৰ্ষ উপলক্ষে সাহিত্যিকগৰাকীক এইদৰে সন্মানিত কৰা হয় ৷ ইতিমধ্যে লোকশিল্পী, বাঁহীবীদক প্ৰভাত শৰ্মাক মৰণোত্তৰভাৱে চাউলখোৱা বঁটা প্ৰদান কৰিছে সংস্থাটোৱে ৷ ইফালে সাহিত্যিক, শিক্ষাবিদগৰাকীয়ে এই বঁটা সন্মান হিচাপে নহয়, এয়া মৰম আৰু আশীৰ্বাদ হিচাপেহে গ্ৰহণ কৰা বুলি মন্তব্য কৰে ৷