Mishap During Holi In Kamalpur: দৌলোৎসৱৰ মাজতে কমলপুৰৰ বৰডেকপাৰত অঘটন

চৌদিশে দৌল উৎসৱৰ আনন্দ অব্যাহত থকাৰ মাজতে কমলপুৰৰ বৰডেকপাৰত অঘটন(Mishap During Holi In Kamalpur) । নৈত গা ধুবলৈ গৈ মৃত্যুক সাৱতিলে দুজন যুৱকে(Youths died while bathing after playing holi in Puthimari river) ৷ শুকুৰবাৰে ফাকু খেলি পুঠিমাৰী নৈত গাঁ ধুবলৈ গৈছিল চাৰিজনীয়া যুৱকৰ এটা দল ৷ গা ধুই ঘৰলৈ যুৱককেইজন ঘৰলৈ উভতি নহাত চিন্তিত পৰিয়ালৰ লোকে নৈৰ পাৰলৈ গৈ যুৱক কেইজকনক ককবকাই থকা প্ৰত্যক্ষ কৰে ৷ ইয়াৰ পিছতে এক হুৱাদুৱা পৰিৱেশৰ সৃষ্টি হয় অঞ্চলটোত । সেই স্থানত উপস্থিত হোৱা লোকসকলে ততালিকে যুৱক কেইজনক পানীৰ পৰা উদ্ধাৰ কৰি কমলপুৰস্থিত মহাত্মা গান্ধী আদৰ্শ হস্পিতালত ভৰ্তি কৰে যদিও ইয়াৰে দুজনক চিকিৎসকে মৃত ঘোষণা কৰে । মৃত যুৱক দুজন পাৰ্থপ্ৰতীম শৰ্মা আৰু কৌশিক শৰ্মা বুলি জানিব পৰা গৈছে | ইফালে আন দুই যুৱক হৃষিকেশ শৰ্মা আৰু বিশ্বজিৎ দাসক সম্প্ৰতি চিকিৎসাধীন অৱস্থাত ৰখা হৈছে ৷ স্থানীয় বিধায়ক দিগন্ত কলিতাই যুৱক দুগৰাকীৰ মৃত্যুত গভীৰ শোক প্ৰকাশ কৰাৰ লগতে শোক সন্তপ্ত পৰিয়াল বৰ্গলৈ সমবেদনা জ্ঞাপন কৰিছে ।