CBSE 10th Results: 100 শতাংশ উত্তীৰ্ণৰে জিলিকিল তিলৈ স্বামী বিবেকানন্দ কেন্দ্ৰীয় বিদ্যালয়

শুকুৰবাৰে ঘোষণা কৰা হ’ল CBSEৰ দশম আৰু দ্বাদশ শ্ৰেণীৰ পৰীক্ষাৰ ফলাফল (CBSE exam result 2022) ৷ ইয়াৰ লগে লগে তিলৈ স্বামী বিবেকানন্দ কেন্দ্ৰীয় বিদ্যালয়ত বৈছে আনন্দৰ বন্যা ৷ সদ্যঘোষিত CBSEৰ দশম শ্ৰেণীৰ পৰীক্ষাত 100 শতাংশ উত্তীৰ্ণৰে উন্নত ফল দেখুৱাবলৈ সক্ষম হৈছে মৰাণৰ সমীপৰ তিলৈৰ স্বামী বিবেকানন্দ কেন্দ্ৰীয় বিদ্যালয়ে ৷ বিদ্যালয়খনৰ পৰা অৱতীৰ্ণ হোৱা 30 গৰাকী শিক্ষাৰ্থীৰে আটাইকেইগৰাকী পৰীক্ষাৰ্থী উত্তীৰ্ণ হোৱাৰ লগতে 14 গৰাকীয়ে 90 শতাংশতকৈও অধিক নম্বৰ লাভ কৰিছে (Tiloi Swami Vivekananda Kendriya Vidyalaya) । বিদ্যালয়খনৰ বিতোপন দিহিঙীয়া নামৰ ছাত্ৰজনে 97.4 শতাংশ নম্বৰ লাভ কৰি গৌৰৱ কঢ়িয়াইছে বিদ্যালয়খনলৈ ৷ শনিবাৰে বিদ্যালয়খনৰ এই সাফল্যত শিক্ষক-শিক্ষয়িত্ৰী আৰু ছাত্ৰ-ছাত্ৰীসকলে কেক কাটি একেলগে আনন্দ উল্লাস কৰে ।