Distributes winter aid: মাজুলীৰ ২৫৩ গৰাকী শিক্ষাৰ্থীক শীতকালীন সাহাৰ্য বিতৰণ

চান বাৰ্ড নামৰ এটা ব্যক্তিগত সংস্থাৰ প্ৰশংসনীয় পদক্ষেপ (Sun Bird organization)। এই সংস্থাটোৰ অন্তৰ্গত মাজুলীৰ ৭ খন বিদ্যালয়ৰ ছাত্ৰাবাসত থকা ২৫৩ গৰাকী দৰিদ্ৰ ছাত্ৰ-ছাত্ৰীক শীতকালত ব্যৱহৃত অত্যাৱশ্যকীয় সামগ্ৰী বিতৰণ কৰা হয় (Distributes winter aid in Majuli) ৷ তুলি, বিচনা চাদৰ, কম্বল আৰু গাৰু প্ৰদান কৰে সংস্থাটোৱে । প্ৰথম পৰ্যায়ত আৰ্ডা পাব্লিক স্কুলত চান বাৰ্ড নামৰ এই ব্যক্তিগত সংস্থাটোৱে ৪৭ গৰাকী ছাত্ৰ-ছাত্ৰীৰ মাজত প্ৰদান কৰে এই সামগ্ৰী । চান বাৰ্ডক এই সামগ্ৰীসমূহ যোগান ধৰিছে কাৰ্লঅন নামৰ এটা ব্যক্তিগত কোম্পানীয়ে । আৰ্ডা পাব্লিক বিদ্যালয়ৰ এগৰাকী শিক্ষকে কয় যে চান বাৰ্ড নামৰ ব্যক্তিগত সংস্থাটোৱে লোৱা পদক্ষেপে যথেষ্ট উপকৃত কৰিব দৰিদ্ৰ ছাত্ৰ-ছাত্ৰীসকলক । অনাগত দিনতো চান বাৰ্ড সংস্থাটোৰ পৰা সহায় সহযোগিতা কামনা কৰিছে আৰ্ডা পাব্লিক বিদ্যালয়ে ।