ডিগবৈৰ বগাপানীত লোমহৰ্ষক হত্যাকাণ্ড

ডিগবৈৰ বগাপানীত লোমহৰ্ষক হত্যাকাণ্ড (Sensational murder in Digboi)। দুই ভাতৃৰ মাজৰ সংঘৰ্ষত এজনৰ মৃত্যু । আৰক্ষীৰ জালত হত্যাকাৰী ভাতৃ । ডিগবৈ আৰক্ষী থানাৰ অন্তৰ্গত বগাপানী চাহ বাগিছাৰ ৩৩ নম্বৰ লাইনত যোৱা নিশা সংঘটিত হৈছে এই ঘটনা । পাৰিবাৰিক কন্দলৰ ফলত ককায়েক লোকাচ ওৰাঙে ইটাৰে মৰিয়াই হত্যা কৰিলে নিজৰে ভাতৃ ইজৰাইল ওৰাক (Murder in Digboi)। পৰিয়ালৰ লোকে জানিবলৈ দিয়া মতে মৃত ইজৰাইলে প্ৰথমে দাৰে লোকাচক আক্ৰমণ কৰিছিল । কিন্তু লোকাচে প্ৰাণ ৰক্ষাৰ বাবে ইটাৰে প্ৰত্যাক্ৰমণ কৰাত ভায়েক ইজৰাইল থিতাতে নিহত হয় । আনফালে ভাতৃৰ আক্ৰমণত লোকাচ ওৰাং সামান্য আহত হয় । নিশাই ডিগবৈ আৰক্ষী ঘটনাস্থলীত উপস্থিত হৈ হত্যকাৰী লোকাচ ওৰাঙক আটক কৰে । পৰিয়ালৰ এজাহাৰৰ ভিত্তিত ডিগবৈ আৰক্ষীয়ে এক গোচৰো ৰুজু কৰিছে ।