Barpeta road lottery results : লটাৰীত ২০ লাখ টকীয়া বাহন পালে মাছমৰীয়াই

নামনি অসমৰ ৰাস মানেই যেন ঐতিহাসিক লটাৰী খেল (Rash Lottery)। সেয়া হাউলীৰ ৰাসেই হওক বা বৰপেটাৰোডৰ ৰাসেই হওক । প্ৰতিবছৰে সকলোৰে দৃষ্টি নিবদ্ধ থাকে কোটি কোটি টকাৰ লটাৰী খেলত । লটাৰী খেলখনৰ বিশেষ আকৰ্ষণ হৈছে লাখ লাখ টকাৰ বাহন । প্ৰতিবছৰে হাজাৰ হাজাৰ লোকে এখন বাহনৰ আশাত লটাৰী টিকট ক্ৰয় কৰে । সেই লটাৰী টিকটে বহু দৰিদ্ৰ লোকৰ ভাগ্যও সলনি কৰিছে । এইবাৰো বৰপেটাৰোডৰ লটাৰী খেলত প্ৰথম উপহাৰ লাভ কৰিলে এগৰাকী মাছমৰীয়াই (Fishermen got Innova rash lottery)। ৫০ টকাৰ টিকট ক্ৰয় কৰি প্ৰায় ২০ লাখ টকীয়া বাহনৰ গৰাকী হ'ল মাছমৰীয়াজন । ভাগ্যৱান লোকজন হৈছে ৰবিৰাম বসুমতাৰী ওৰফে লাইথা । লটাৰীত বিলাসী ইন'ভা বাহনখন লাভ কৰি যথেষ্ট আনন্দিত ৰবিৰাম বসুমতাৰী । গাড়ীখন বিক্ৰী কৰি দিন হাজিৰা কৰা দুই পুত্ৰক ব্যৱসায়ৰ সুবিধা কৰি দিব বুলি উল্লেখ কৰিছে লটাৰীত প্ৰথম উপহাৰ পোৱা মাছমৰীয়াজনে ।