fire incident in Mariani : মৰিয়নিত ভয়ঙ্কৰ অগ্নিকাণ্ডত জাহ গ’ল বহুকেইটা বাসগৃহ

মৰিয়নিৰ গান্ধীনগৰত ভয়ংকৰ অগ্নিকাণ্ড (Fire in Mariani)৷ অগ্নিকাণ্ডৰ ফলত ৬ টাকৈ বাসগৃহ জুইত সম্পূৰ্ণৰূপে ভস্মীভূত হয় ৷ গান্ধীনগৰৰ শিৱ নাৰায়ণ দষ্টিডাৰ নামৰ লোকজনৰ ৬ টাকৈ ভাড়াঘৰত সংঘটিত হয় এই অগ্নিকাণ্ড ৷ অগ্নিকাণ্ডত জুইৰ লেলিহান শিখাই মুহূৰ্তৰ ভিতৰতে এটা বাসগৃহৰ পৰা আন এটা বাসগৃহলৈ বিয়পি পৰে । অগ্নিকাণ্ডৰ ফলত কোনো ব্যক্তিৰ ক্ষতি হোৱা নাই, কিন্তু বাসগৃহত মজুত কৰি ৰখা বিভিন্ন বয় বস্তুসহ প্ৰায় ১০ লাখ টকাৰ সা সম্পত্তি ধ্বংস হয় । পৰৱৰ্তী সময়ত মৰিয়নী আৰু তিতাবৰৰ পৰা যোৱা অগ্নিনিৰ্বাপক বাহিনীৰ গাড়ী উপস্থিত হৈ অগ্নিনিৰ্বাপন কৰিবলৈ সক্ষম হয় ৷ অগ্নিকাণ্ডত জাহ যায় এখন মটৰচাইকেলো ৷ ৮ জানুৱাৰী অৰ্থাৎ দেওবাৰৰ নিশা সংঘটিত হৈছিল এই ভয়ংকৰ অগ্নিকাণ্ডৰ ঘটনাটো ৷