Road safety week: হাতত ৰঙা গোলাপ লৈ ৰাজপথত পৰিবহন বিষয়া হিমাংশু দাস

হাতত ৰঙা গোলাপ লৈ ৰাজপথত পৰিবহন বিষয়া (এনফ'ৰ্চমেন্ট) হিমাংশু দাস । পৰিবহন বিভাগৰ পথ সুৰক্ষা দিৱস উপলক্ষে মহানগৰীৰ গণেশগুৰিত আজি সন্ধিয়া অনুষ্ঠিত কৰা হয় এই কাৰ্যসূচী (Road safety week in Guwahati)। পথ সুৰক্ষাৰ প্ৰতি লক্ষ্য ৰাখি যান-বাহন চলাওতে পৰিবহন বিভাগৰ নীতি-নিয়ম মানি গাড়ী চলোৱা সকলক একোটাকৈ গোলাপ প্ৰদান কৰে জিলা পৰিবহন বিষয়া(এনফ'ৰ্চমেন্ট) হিমাংশু দাসৰ লগতে বিষয়া কৰ্মচাৰীসকলে (Road safety week) । যিসকল চালকে এতিয়াও যান-বাহনৰ সকলো নিয়ম মানি চলা নাই তেওঁলোকক সকলোবোৰ নিয়ম মানি চলিবলৈ তেওঁ আহ্বান জনায় । বৰ্তমান ৰাজ্যত ভোগালীক আদৰাৰ ব্যাপক প্ৰস্তুতি । ভোগালীক আদৰাৰ নামত যেন কোনেও মদ্যপান কৰি বাহন নচলাই তাৰ বাবে বিষয়াজনে আহ্বান জনায় ৷