জামাতুল মুজাহিদীনৰে জড়িত নহয় ইনামুল হক: সুধাকৰ সিং

জামাতুল মুজাহিদীন বাংলাদেশৰ(Jamaat ul Mujahideen Bangladesh)ৰ সৈতে জড়িত থকাৰ সন্দেহত শুকুৰবাৰে দিছপুৰ গেষ্ট হাউচৰ মেনেজাৰ হিচাপে কৰ্মৰত ইনামুল হকক আৰক্ষীয়ে আটক কৰি জেৰা চলাইছিল(JMB cadre arrested by Guwahati police) । আৰক্ষীয়ে তেওঁৰ বিৰুদ্ধে কোনো তথ্য নোপোৱাত আটক কৰাৰ এদিন পাছতেই মুকলি কৰি দিয়ে ৷ ইয়াৰ পাছতেই মহানগৰ আৰক্ষীৰ (পূব) আৰক্ষী জিলাৰ উপ আৰক্ষী আয়ুক্ত সুধাৰক সিঙে(City Police (East) Police District Deputy Commissioner of Police Sudhakar Singh) সংবাদমাধ্যমৰ আগত এই সন্দৰ্ভত স্পষ্টীকৰণ দিয়ে ৷ উপ আৰক্ষী আয়ুক্তগৰাকীয়ে সদৰি কৰা অনুসৰি ইনামূল হক জামাতুল মুজাহিদীন বাংলাদেশৰ সৈতে জড়িত নহয় । আৰক্ষীয়ে এক খবৰৰ ভিত্তি অভিযান চলাই তেওঁ আটক কৰিছিল । নিশাটো জেৰা কৰাৰ পাছত সেয়েহে আৰক্ষীয়ে মুকলি কৰি দিয়ে ইনামুলক । ইনামূলৰ পৰা উদ্ধাৰ হোৱা JMBৰ নথি-পত্ৰও ভুৱা । আৰক্ষী আয়ুক্তগৰাকীয়ে সদৰি কৰা অনুসৰি ইনামুলক পৰিকল্পিতভাৱে ফচাবলৈ চেষ্টা কৰিছিল পূৰ্বৰ মেনেজাৰে । পূৰ্বৰ মেনেজাৰে ভুৱা পেড প্ৰিন্ট কৰি ইনামুলৰ কোঠাত ৰাখিছিল । এই ঘটনাৰ বাবে গ্ৰেপ্তাৰ হ’ব পাৰে পৰিকল্পনা ৰচনা কৰা পূৰ্বৰ মেনেজাৰজন ।