জয়ন্ত মল্ল বৰুৱাক এবিভিপিত থকা চোৰ ডকাইতৰ নাম ৰাজহুৱা কৰাৰ দাবী

‘‘পুৰণি বিজেপি আৰু ন বিজেপিৰ মাজত যে সংঘাত হ'ব সেয়া আমি নিশ্চিত আছিলোঁ । কিন্তু মুখ্যমন্ত্ৰী হিমন্ত বিশ্ব শৰ্মাৰ অতি ঘনিষ্ঠ মন্ত্ৰী জয়ন্ত মল্ল বৰুৱ‍াৰ(Minister Jayanta Malla Baruah) যোগেদি হ'ব বুলি ভৱা নাছিলোঁ ।’’ এই মন্তব্য অসম প্ৰদেশ কংগ্ৰেছৰ মুখপাত্ৰ তথা চ'ছিয়েল মিডিয়া আৰু আই টি বিভাগৰ অধ্যক্ষ ৰাতুল কলিতাৰ ৷ শেহতীয়াকৈ বিজেপিৰ ছাত্ৰ সংগঠন এবিভিপি(Akhil Bharatiya Vidyarthi Parishad) সম্পৰ্কে আপত্তিজনক মন্তব্য কৰি মন্ত্ৰী জয়ন্ত মল্ল বৰুৱ‍া অখিল ভাৰতীয় বিদ্যাৰ্থী পৰিষদৰ ৰোষত পৰা প্ৰসংগত এইদৰে কয় প্ৰদেশ কংগ্ৰেছৰ মুখপাত্ৰগৰাকীয়ে (ABVP on Jayanta Malla Baruah remarks)৷