Cycling in Assam: চাইকেলেৰে 1000 কিঃমিঃ অতিক্ৰম কৰি নগাঁৱত উপস্থিত 60 বছৰীয়া চিকিৎসক

ৰাজ্যৰ ভিতৰতে এজন প্ৰখ্যাত চিকিৎসক তথা ডাউনটাউন হাস্পতালৰ(Down town hospital) জ্যেষ্ঠ এনাষ্ঠেচিয়া বিশেষজ্ঞ ডাঃ কৃষ্ণকান্ত আচাৰ্য (Dr Krishna Kanta Acharya Anesthesiologist)। 60 বৰ্ষ গৰকা চিকিৎসকগৰাকীয়ে চাইকেলেৰে অতিক্ৰম কৰিলে 1000 কিঃমিঃ ৷ ২৮ অক্টোবৰতে গুৱাহাটীৰ পৰা চাইকেলেৰে যাত্ৰা আৰম্ভ কৰি ডাঃ আচাৰ্যই ডিব্ৰুগড়স্থিত অসম মেডিকেল কলেজৰ হীৰক জয়ন্তী অভিৱৰ্তনত(Platinum jubilee of Assam Medical College) অংশগ্ৰহণ কৰে ৷ এখন চাইকেলেৰে গুৱাহাটীৰ পৰা যাত্ৰা আৰম্ভ কৰি ধলা-শদিয়া(Bhupen Hazarika Setu) দলং হৈ অসম মেডিকেল কলেজৰ হীৰক জয়ন্তী অভিৱৰ্তনস্থলীত উপস্থিত হয় চিকিৎসকগৰাকী । ইয়াৰ পাছতে পুনৰ চিকিৎসকগৰাকীয়ে চাইকেলেৰে ডিব্ৰুগড়ৰ পৰা লখিমপুৰ, বিশ্বনাথ চাৰিআলি, তেজপুৰ, কলীয়াভোমোৰা দলং হৈ উপস্থিত হয় নগাঁৱৰ পুৰণিগুদামত । ৬০ উৰ্ধৰ হৈও চাইকেলেৰে ১০০০ তকৈও কিলোমিটাৰোধিক দূৰত্ব অতিক্ৰম কৰি পুনৰ পুৰণিগুদামৰ পৰা গুৱাহাটী অভিমুখী হয় যশস্বী চিকিৎসক ডাঃ কৃষ্ণকান্ত আচাৰ্য ।