ইটিভি ভাৰতৰ তৰফৰ পৰা নাৰী দিৱসৰ শুভকামনা

এগৰাকী নাৰীয়ে সময় অনুযায়ী ভগ্নী, পত্নী, বোৱাৰী, মাতৃ নাইবা আইতা আদিৰ দৰে ভিন্ন চৰিত্ৰ ৰূপায়ণ কৰিবলগীয়া হৈ পৰে ৷ প্ৰতিটো চৰিত্ৰৰ সুকীয়া বৈশিষ্ট্যৰে নাৰীগৰাকীয়ে জীৱনটো অধিক সুন্দৰ কৰি তোলে ৷ এগৰাকী মহিলা অবিহনে সৃষ্টিৰ কল্পনা আৰু জীৱনৰ উপলব্ধি কৰা অসম্ভৱ ৷ জীৱনত বিভিন্ন ৰূপত ভূমিকা পালন কৰি অহা মহিলাসকলে তেওঁলোকৰ অধিকাৰ আৰু স্বাধীনতাৰ হকে মাত মাতিবলৈ আৰম্ভ কৰিছে । যাৰ বাবে বহু মহিলা আগবাঢ়িও আহিছে । তথাপিও বিশ্বৰ মুঠ জনসংখ্যাৰ আধা অংশই তেওঁলোকৰ সম্পূৰ্ণ অধিকাৰৰ বাবে যুঁজ অব্যাহত ৰাখিছে ৷ ইটিভি ভাৰতে মাত্ৰ নাৰী দিৱসৰ শুভেচ্ছা জ্ঞাপন কৰাই নহয়, মহিলাসকলৰ উচিত প্ৰাপ্য দিবলৈও আহ্বান জনাইছে ৷