Child missing in Brahmaputra at Barpeta: বহৰিত ব্ৰহ্মপুত্ৰত সন্ধানহীন শিশু

বৰপেটা জিলাৰ বহৰিত ব্ৰহ্মপুত্ৰত সন্ধানহীন হৈছে এটি শিশু(Child missing in Brahmaputra at Barpeta)৷ বহৰিৰ ফুলবাৰী গাঁৱত সংঘটিত হৈছে এই ঘটনাটো ৷ ঘটনাৰ বিৱৰণী অনুসৰি ব্ৰহ্মপুত্ৰৰ চৰ এটা ইপাৰ-সিপাৰ হোৱাৰ সময়তে সন্ধানহীন হয় শিশুটি ৷ তিনিটা শিশুৱে শনিবাৰে ব্ৰহ্মপুত্ৰৰ মাজৰ চৰ এটালৈ সাঁতুৰিবলৈ গৈ উভতি অহাৰ পৰতে নৈৰ মাজত আমিনুল নামৰ ১০ বছৰীয়া শিশুটি পানীৰ সোঁতত উটি যায় বুলি স্থানীয় ৰাইজে সদৰী কৰিছে ৷ সন্ধানহীন শিশুটি ছুলেইমান হুছেইনৰ পুত্ৰ বুলি জানিব পৰা গৈছে ৷ উল্লেখ্য় যে আমিনুল বহৰিৰ ডলফিন জাতীয় বিদ্যালয়ৰ চতুৰ্থ শ্ৰেণীৰ ছাত্ৰ ৷ ঘটনাৰ পিছতে অঞ্চলটোত হাহাকাৰ পৰিস্থিতিৰ সৃষ্টি হৈছে ৷শিশুটোক বিচাৰি বহৰিৰ পৰা ৰাজ্যিক দুৰ্যোগ প্ৰশমন বাহিনীৰ(SDRF) লগতে আৰক্ষী আৰু স্থানীয় লোকেও অভিযান চলাইছে ৷ এতিয়ালৈকে সন্ধান ওলোৱা নাই শিশুটোৰ ৷