শুকান ফল স্বাস্থ্যৰ বাবে কিমান উপকাৰী সেয়া আমি সকলোৱে জানো ৷ এই শুকান ফলবোৰ তিয়াই থোৱাৰ পিছত যদি খোৱা হয় তেন্তে ইয়াৰ উপকাৰিতা দুগুণ বৃদ্ধি পায় ৷ একেদৰে আমাৰ স্বাস্থ্যৰ পক্ষে কাঠবাদাম অতি উপকাৰী কিন্তু যদি কাঠবাদামক তিয়াই খোৱা হয় তেন্তে ইয়াৰ উপকাৰিতা যথেষ্ট বৃদ্ধি পায় ৷ আজি আমি আপোনালোকক ক'বলৈ ওলাইছো কাঠবাদামৰ তিয়াই খোৱা অনন্য উপকাৰিতাৰ বিষয়ে-
১/ সুস্থ হৃদযন্ত্ৰ
এন্টিঅক্সিডেন্টৰ লগতে মনোঅনচেচুৰেটেড ফেটি এচিড কাঠবাদামত পোৱা যায় যিয়ে বেয়া কলেষ্টেৰল হ্ৰাস কৰাত সহায় কৰে ৷ তিয়াই থোৱা কাঠবাদাম খালে হৃদৰোগৰ সম্ভাৱনা কম হয় ৷
২/ হজম শক্তি
তিয়াই থোৱা কাঠবাদামক আঁহ আৰু ভিটামিন ইৰ ভাল উৎস বুলি গণ্য কৰা হয় ৷ কোষ্ঠকাঠিন্যৰ লগতে পেটৰ লগত জড়িত ৰোগৰ বিৰুদ্ধে যুঁজিবলৈ তিয়াই থোৱা কাঠবাদাম সেৱন কৰিব লাগে ৷
৩/ শৰ্কৰাৰ মাত্ৰা
তিয়াই থোৱা কাঠবাদামত মেগনেছিয়াম থাকে, যাৰ সেৱনে শৰীৰত শৰ্কৰাৰ মাত্ৰা নিয়ন্ত্ৰণত ৰাখে ৷ ডায়েবেটিছ ৰোগীয়ে প্ৰতিদিনে ৬ৰ পৰা ৮টা কাঠবাদাম সেৱন কৰিব লাগে ৷
৪/ চুলি আৰু ছালৰ বাবে
কাঠবাদামক ভিটামিন ইৰ ভাল উৎস বুলি গণ্য কৰা হয় ৷ তিয়াই থোৱা কাঠবাদামত পোৱা ভিটামিন ইয়ে ছালখনক উজ্জ্বল কৰি তোলে আৰু বলিৰেখাৰ পৰা আঁতৰাই ৰাখে ৷ ছালৰ বাহিৰেও কাঠবাদাম খালে চুলি ক’লা, ডাঠ আৰু মজবুত হৈ থাকে ৷
৫/ চোকা মগজুৰ বাবে
মগজু চোকা কৰিবলৈ আৰু স্মৃতিশক্তি বৃদ্ধি কৰিবলৈ দৈনিক তিয়াই থোৱা কাঠবাদাম খাব লাগে ৷ ইয়াত ভিটামিন ই আৰু ওমেগা-৩ ফেটি এচিড থাকে যিয়ে মগজুক চোকা কৰাত সহায় কৰে ৷
