প্ৰতি বছৰে ২৮ মে’ তাৰিখটো বিশ্ব ক্ষুধা দিৱস হিচাপে পালন কৰা হয় । সমগ্ৰ বিশ্বতে ভোকত জীয়াই থকা ৬৯ কোটিৰো অধিক লোকক সজাগ কৰাৰ উদ্দেশ্যে এই দিৱস উদযাপন কৰা হয় (World Hunger Day theme)। এই দিৱস প্ৰথম ২০১১ চনত আৰম্ভ হৈছিল । তেতিয়াৰ পৰাই এই দিৱসটো কেৱল ক্ষুধা সম্পৰ্কে সজাগতা বৃদ্ধিৰ বাবেই নহয়, বহনক্ষম পদক্ষেপৰ জৰিয়তে ক্ষুধা আৰু দৰিদ্ৰতাৰ সমস্যাসমূহ সমাধানৰ বাবেও উদযাপন কৰা হয় (World Hunger Day 2023)।
বিশ্ব ক্ষুধা দিৱসৰ ইতিহাস: এই দিৱসৰ আৰম্ভণি কৰিছিল দ্য হাংগাৰ প্ৰজেক্টে আৰু ২০১১ চনৰ পৰাই বিশ্ব ক্ষুধা দিৱসৰ আৰম্ভণি হৈছিল ।
বিশ্ব ক্ষুধা দিৱসৰ উদ্দেশ্য: পৃথিৱীত এতিয়াও এনে বহুলোক আছে যি খাদ্যৰ অভাৱত মৃত্যুমুখত পৰিছে । আৰু কিছুমানে খাদ্য অপচয় কৰে । সমগ্ৰ বিশ্বতে ভোকৰ ফলত মৃত্যুমুখত পৰা লোকসকলৰ মাজত সজাগতা সৃষ্টিৰ বাবে এই দিৱস পালন কৰা হয় । ভাৰতৰ বহুলোকে আজিৰ দিনটো পৰ্যাপ্ত পৰিমাণে খাদ্য লাভ নকৰে কোনো সন্দেহ নাই (Hunger Day history)।
এইটো সঁচা যে ভোক এটা বিশ্বব্যাপী সমস্যা, কিন্তু আমি ইয়াক আওকাণ কৰা উচিত নহয় । বহু দেশে সুস্থ নীতি ৰচনা কৰি ইয়াক অতিক্ৰম কৰিবলৈ সক্ষম হৈছে । গতিকে ভাৰতেও এই দিশত কাম কৰাটো প্ৰয়োজন । এইবাৰৰ বিষয়বস্তু হৈছে ক্ষুধা আৰু দৰিদ্ৰতা শেষ কৰাৰ প্ৰতিশ্ৰুতি (World Hunger Day significance)।
ভাৰতত খাদ্য অপচয়: ভাৰতত প্ৰতি বছৰে প্ৰতিজন ব্যক্তিৰ বাবে ৫০ কেজি খাদ্য অপচয় হয় । ভাৰতৰ ২০১১ চনৰ লোকপিয়ল অনুসৰি ১৪ শতাংশ জনসংখ্যা (১৬ কোটি ৯৪ লাখ) অপুষ্টিকৰ । ইয়াৰ পিছতো প্ৰতিবেদনত প্ৰকাশ পাইছে যে ভাৰতত চাৰি বছৰত ১১,৫২০ টন খাদ্য শস্য অপচয় হয় । দক্ষিণ এছিয়াৰ দেশসমূহৰ ভিতৰত আফগানিস্তানত সৰ্বাধিক খাদ্য অপচয় (বছৰত ৮২ কিলোগ্ৰাম)। ইয়াৰ পিছতে নেপালত ৭৯ কেজি, শ্ৰীলংকাত ৭৬ কেজি, পাকিস্তানত ৭৪ কেজি আৰু বাংলাদেশত ৬৫ কেজি । খাদ্য অপচয়ৰ ক্ষেত্ৰত ভাৰতৰ স্থান পিছত ।
লগতে পঢ়ক: Coconut Water: নাৰিকলৰ পানীয়ে বাৰুকৈয়ে কিডনীৰ পাথৰৰ পৰা মুক্তি দিব পাৰেনে ?
