ডায়েবেটিছত শৰীৰে পৰ্যাপ্ত পৰিমাণৰ ইনচুলিন উৎপাদন কৰিবলৈ সক্ষম নহয়, যাৰ বাবে তেজত চুগাৰৰ মাত্ৰা বৃদ্ধি পাবলৈ আৰম্ভ কৰে । যদিও ডায়েবেটিছৰ আঁৰত বহুতো কাৰণ থাকিব পাৰে যেনে ভুল খাদ্যাভ্যাস, বয়স বৃদ্ধি, শাৰীৰিক কাৰ্যকলাপৰ অভাৱ, কিন্তু মেদবহুলতাই ডায়েবেটিছ ৰোগত আক্ৰান্ত হোৱাৰ সম্ভাৱনাও বৃদ্ধি কৰে । গতিকে প্ৰথমে ইয়াক নিয়ন্ত্ৰণ কৰাত মনোনিৱেশ কৰক । যাৰ বাবে যোগাসন সৰ্বোত্তম । যোগৰ জৰিয়তে মেদবহুলতা আৰু ডায়েবেটিছ দুয়োটাকে একেলগে নিয়ন্ত্ৰণ কৰিব পাৰি ।
কিছুমান বিশেষ ধৰণৰ যোগ আসনে পেশীবোৰ শিথিল কৰা, ৰক্ত সঞ্চালন বৃদ্ধি কৰা আৰু internal অংগসমূহৰ কাম-কাজ উন্নত কৰাত সহায় কৰে । নিয়মিতভাৱে ইয়াৰ অভ্যাস কৰিলে অগ্নাশয়ৰ কাৰ্যক্ষমতা আৰু ইনচুলিন হৰম’নৰ নিঃসৰণ উন্নত হয়(5 asanas for controlling blood sugar and obesity) । গতিকে ইয়াত কোনবোৰ যোগাসন ফলপ্ৰসূ, সেইবোৰৰ বিষয়ে জানো আহক(Do these 4 asanas daily) ।
বিপৰীতকৰন আসন
এই আসনে আপোনাৰ ৰক্ত সঞ্চালন উন্নত কৰাত সহায় কৰে । কেৱল এয়াই নহয়, হৰম’নৰ ভাৰসাম্য আৰু তেজৰ চুগাৰৰ মাত্ৰা নিয়ন্ত্ৰণ কৰাতো ই সহায়ক । এই আসন কৰি থাকোঁতে তলৰ পৰা ওপৰলৈ তেজৰ সঞ্চালন হয়, যাৰ বাবে মগজুলৈ পৰ্যাপ্ত পৰিমাণৰ তেজ আৰু অক্সিজেন যোগান ধৰা হয় । ইয়াৰ ফলত মনটো শিথিল হৈ থাকে আৰু মানসিক চাপ আঁতৰাই ৰাখে ।
পশ্চিমোত্তানাসন
পিঠি, হামষ্ট্ৰিং আৰু নিতম্ব টানিবলৈ পশ্চিমোত্তানাসন অতি উপকাৰী আসন । এই যোগাভ্যাসৰ জৰিয়তে পেটৰ চৰ্বি আৰু ওজন দুয়োটা কমি যায় । যিয়ে ডায়েবেটিছৰ সম্ভাৱনা বহু পৰিমাণে হ্ৰাস কৰিব পাৰে ।
অৰ্ধ মৎস্যেন্দ্ৰাসন
দৈনিক অৰ্ধ মৎস্যেন্দ্ৰাসনৰ অভ্যাস কৰিলে ডায়েবেটিছ বহু পৰিমাণে নিয়ন্ত্ৰণ কৰিব পাৰি । এই আসনে ইনচুলিন উৎপাদনতো সহায় কৰে, অগ্নাশয় সুস্থ কৰি ৰাখে । যাৰ বাবে তেজৰ চুগাৰৰ মাত্ৰা নিয়ন্ত্ৰণত থাকে ।
মাণ্ডুকাসন
মাণ্ডুকাচনে শৰীৰত ইনচুলিনৰ পৰিমাণ বৃদ্ধি কৰে । অগ্নাশয়ৰ কাৰ্যক্ষমতা উন্নত কৰে । কেৱল তেজত শৰ্কৰাৰ উচ্চ মাত্ৰা নিয়ন্ত্ৰণ কৰাত ই ফলপ্ৰসূ হোৱাই নহয়, হৃদৰোগৰ ক্ষেত্ৰতো ই উপকাৰী ।
লগতে পঢ়ক: Children's day: শিশুৰ মানসিক স্বাস্থ্যৰ যতনৰ সময়ত কি কৰা উচিত-অনুচিত জানো আহকচোন
