আমাৰ সকলোৰে পাকঘৰত এক বিশেষ স্থান দখল কৰা বিলাহী স্বাস্থ্যৰ পক্ষে খুবেই লাভজনক ৷হয়, সোৱাদত টেঙা হ’লেও বিলাহী প্ৰকৃততে বহু ৰোগৰ ঔষধ ৷ ই বহুতো পুষ্টি আৰু এণ্টিঅক্সিডেণ্টেৰে সমৃদ্ধ ৷ তদুপৰি, বিলাহীত লাইকোপেন, পটাছিয়াম, ফোলেট আৰু ভিটামিন-চিও যথেষ্ট পৰিমাণে পোৱা যায় ৷ যাৰ বাবে বিলাহী তথা বিলাহীৰ ৰস খোৱাটো শৰীৰৰ বাবে অতি উপকাৰী ৷ আজি এই বিষয়ে জানো আহক-
খালী পেটত বিলাহীৰ ৰস খাব
বিশেষজ্ঞসকলৰ মতে, খালী পেটত বিলাহীৰ ৰস খালে আপোনাৰ শৰীৰে সঠিকভাৱে কাম কৰাৰ বাবে প্ৰয়োজনীয় পৰিমাণৰ পুষ্টি লাভ কৰে ৷ তদুপৰি, ই আপোনাৰ ৰোগ প্ৰতিৰোধ ক্ষমতা শক্তিশালী কৰাৰ লগতে হজম শক্তি উন্নত কৰে ৷ বিলাহীৰ ৰসত প্ৰচুৰ পৰিমাণে আঁহ আৰু পানী পোৱা যায় ৷ এই দুয়োটা পুষ্টিৰ ফলত পাচন তন্ত্ৰই সঠিকভাৱে কাম কৰিব পাৰে ৷ যদি আপুনি আপোনাৰ দিনটো এগিলাচ বিলাহীৰ ৰসেৰে আৰম্ভ কৰে, তেন্তে আপুনি নিশ্চিতভাৱে কৌষ্ঠকাঠিন্য আৰু অন্যান্য হজমৰ সমস্যাৰ পৰা আঁতৰি থাকিব পাৰে ৷
ওজন হ্ৰাস কৰাত সহায়ক
খালী পেটত বিলাহীৰ ৰস খোৱাটোৱে ওজন হ্ৰাস কৰাত সহায় কৰে ৷ ইয়াত কম পৰিমাণত কেলৰি থাকে ৷ ইয়াক সেৱন কৰিলে দীঘলীয়া সময়ৰ বাবে পেট ভৰ্তি হৈ থাকে ৷
বিষাক্ত পদাৰ্থ মুকলি কৰে
খালী পেটত বিলাহীৰ ৰস খোৱাটোৱে শৰীৰত থকা বিষাক্ত পদাৰ্থবোৰ উলিয়াই দিয়াত সহায় কৰে ৷ ইয়াক এক ভাল 'ডিটক্স' পানীয় বুলি গণ্য কৰা হয় ৷ প্ৰকৃততে বিলাহীৰ ৰসত থকা উচ্চ পানীৰ পৰিমাণে শৰীৰৰ পৰা বিষাক্ত পদাৰ্থ আঁতৰ কৰাত সহায় কৰে ৷
ৰোগ প্ৰতিৰোধ ক্ষমতা শক্তিশালী কৰে
বিলাহীক এণ্টিঅক্সিডেণ্টেৰে সমৃদ্ধ বুলি গণ্য কৰা হয় ৷ তদুপৰি, বিলাহীৰ ৰসে ৰোগ প্ৰতিৰোধ ক্ষমতা শক্তিশালী কৰাত আৰু কোষৰ ফলত হোৱা ক্ষতিৰ পৰা শৰীৰক সুৰক্ষিত কৰাত সহায় কৰে ৷
লগতে পঢ়ক: শীতকালত কোভিড ৰোগীৰ সংখ্যা বৃদ্ধি পোৱাৰ আঁৰৰ কাৰণ কি ? নিজকে কেনেকৈ ৰক্ষা কৰিব
