ঔষধি গুণেৰে সমৃদ্ধ হালধিয়ে খাদ্যৰ ৰং আৰু সোৱাদ দুয়োটাই বৃদ্ধি কৰে ৷ হালধিৰ ব্যৱহাৰ কেৱল খাদ্যৰ মাজতে সীমাৱদ্ধ নহয় ৷ ই স্বাস্থ্য সম্পৰ্কীয় বহু সমস্যা দূৰ কৰে ৷ আয়ুৰ্বেদত হালধি ব্যৱহাৰ কৰি বনৌষধি তৈয়াৰ কৰা হয় ৷ হালধিত আইৰন, কপাৰ, প্ৰ’টিন, ফাইবাৰ, ভিটামিন চি, ভিটামিন ই আদি বহুতো পুষ্টিকৰ উপাদান পোৱা যায় ৷ এনে পৰিস্থিতিত দৈনিক খালী পেটত কেঁচা হালধিৰ ৰস পানী বা গাখীৰত মিহলাই খালে শৰীৰৰ বহু সমস্যাৰ পৰা সকাহ পাব পাৰি ৷ যদি আপোনাৰ সৈতে কেঁচা হালধি নাই তেন্তে শুকান হালধিৰ গুড়িও আপুনি পানী বা গাখীৰৰ সৈতে মিহলাই গ্ৰহণ কৰিব পাৰে ৷ তেন্তে আহক আমি হালধি ৰস খোৱাৰ অন্য উপকাৰিতা সমূহৰ বিষয়ে জানি লও ৷
হালধি ৰস খোৱাৰ উপকাৰিতা
ৰোগ প্ৰতিৰোধ ক্ষমতা শক্তিশালী হৈ পৰে
হালধিত প্ৰদাহ নিবাৰণকাৰী গুণ পোৱা যায় ৷ যিয়ে ৰোগ প্ৰতিৰোধ ক্ষমতা বৃদ্ধিত সহায় কৰে ৷ যাৰ বাবে আপুনি বহু ধৰণৰ সংক্ৰমণ আৰু ৰোগৰ পৰা হাত সাৰিব পাৰে ৷ ইয়াৰ বাবে দৈনিক হালধিৰ ৰস খাব লাগে ৷
হজম শক্তি সুস্থ হৈ থাকে
পুষ্টিকৰ উপাদানৰে সমৃদ্ধ হালধি হজম শক্তিৰ বাবেও অতি উপকাৰী ৷ ইয়াত থকা এন্টি-ইনফ্লেমেটৰী আৰু এন্টিঅক্সিডেন্ট গুণে হজম শক্তি উন্নত কৰাত সহায় কৰে ৷ হালধিৰ ৰস খালে পেটৰ সৈতে জড়িত সমস্যা কম হয় ৷
হৃদযন্ত্ৰৰ স্বাস্থ্যৰ বাবে উপকাৰী
হৃদযন্ত্ৰত কাৰকুমিন পোৱা যায়, যিয়ে হৃদযন্ত্ৰৰ স্বাস্থ্যৰ উন্নতি সাধন কৰে ৷ হালধিত প্ৰচুৰ পৰিমাণে এন্টিঅক্সিডেন্ট গুণ থাকে যিয়ে হৃদৰোগ হ্ৰাস কৰাত সহায় কৰে ৷ নিয়মিতভাৱে হালধিৰ ৰস খালে হৃদযন্ত্ৰৰ স্বাস্থ্য উন্নত হয় ৷
ৰক্তশৰ্কৰা নিয়ন্ত্ৰণত সহায় কৰে
ডায়েবেটিছ ৰোগত আক্ৰান্ত লোকৰ বাবে হালধিৰ ৰস ঔষধ ৷ ই ৰক্তশৰ্কৰাৰ মাত্ৰা স্বাভাৱিক কৰি ৰাখে ৷ ইয়াত থকা কাৰকুমিনে ডায়েবেটিছৰ সম্ভাৱনা হ্ৰাস কৰে ৷
ছালৰ বাবে উপকাৰী
ছালৰ উন্নতিৰ বাবে যুগ যুগ ধৰি হালধি ব্যৱহাৰ কৰি আহিছে ৷ ইয়াত উপস্থিত এন্টিঅক্সিডেন্ট গুণে বয়স বৃদ্ধিৰ প্ৰক্ৰিয়াটো লেহেমীয়া কৰে ৷ হালধিৰ ৰস খালে ছালখন চিকচিকিয়া আৰু সুস্থ হৈ থাকে ৷
লগতে পঢ়ক: Yoga Asanas For Acidity: পেটৰ গেছ তথা এচিডিটি আঁতৰোৱাত ফলপ্ৰসূ এইসমূহ যোগাসন
