গাখীৰক ‘সম্পূৰ্ণ আহাৰ’ বুলি গণ্য কৰা হৈছে ৷ স্বাস্থ্য বিশেষজ্ঞসকলৰ মতে, যদি আপুনি কোনো কাৰণত আহাৰ গ্ৰহণ কৰিব পৰা নাই, তেন্তে আপুনি এগিলাচ গাখীৰ খাই আহাৰৰ ঠাই পূৰণ কৰিব পাৰে ৷ কিন্তু দিনৰ সলনি ৰাতি গাখীৰ খাই শুলে ই শৰীৰক বহুখিনি উপকাৰ কৰে ৷ ৰাতি গাখীৰ খোৱাৰ উপকাৰিতাৰ বিষয়ে আজি জানো আহক-
কেলচিয়ামৰ পৰিপূৰক
আমাৰ দাঁত আৰু হাড় কেলচিয়ামৰে গঠিত ৷ গাখীৰত প্ৰচুৰ পৰিমাণে কেলচিয়াম থাকে ৷ প্ৰতিদিনে ৰাতি গৰম গাখীৰ খোৱাটোৱে আমাৰ দাঁত আৰু হাড় শক্তিশালী কৰি তোলে ৷
শক্তি বৃদ্ধিত কাৰ্যকৰী
কেলচিয়ামৰ লগতে গাখীৰত প্ৰচুৰ পৰিমাণৰ প্ৰ'টিন থাকে ৷ যাৰ বাবে প্ৰতিদিনে গাখীৰ খোৱাটো স্বাস্থ্যৰ পক্ষে খুব উপকাৰী বুলি গণ্য কৰা হয় ৷ দিনটো এগিলাচ গৰম গাখীৰেৰে আৰম্ভ কৰিলে আপুনি গোটেই দিনটো শক্তিশালী হৈ থাকিব পাৰে ৷ পেশীৰ বিকাশৰ বাবেও ৰাতি গাখীৰ খোৱাটো খুৱেই দৰকাৰী ৷
কোষ্ঠকাঠিন্যৰ সমস্যা
যদি আপোনাৰ কোষ্ঠকাঠিন্যৰ সমস্যা আছে, তেনেহ'লে ৰাতি গৰম গাখীৰ খোৱাটো আপোনাৰ বাবে অতি উপকাৰী প্ৰমাণিত হ'ব ৷ ই হজমৰ বাবেও অতি উপকাৰী ৷ যিসকলৰ কোষ্ঠকাঠিন্যৰ সমস্যা আছে তেওঁলোকে গৰম গাখীৰক ঔষধ হিচাপে গ্ৰহণ কৰিব পাৰে ৷
ক্লান্তি দূৰ হয়
যদি আপুনি কাম কৰোঁতে অতি সোনকালে ভাগৰি পৰে, তেনেহ’লে আপুনি ৰাতি গৰম গাখীৰ খোৱা আৰম্ভ কৰিব পাৰে ৷ বিশেষকৈ শিশুসকলক প্ৰতিদিনে ৰাতি শোৱাৰ আগত গাখীৰ দিব লাগে ৷
ডিঙিৰ বাবে উপকাৰী
গাখীৰ খোৱাটোৱে ডিঙি ভাল কৰি ৰাখে ৷ যদি আপোনাৰ ডিঙিত কোনো সমস্যা আছে, তেন্তে আপুনি ৰাতি একাপ গৰম গাখীৰত এক চিকুট জালুক মিহলাই খাব পাৰে ৷
চাপ উপশম
অফিচয়েই হওঁক অথবা ঘৰ, কামৰ বাবে আমি খুবেই চাপত থাকো ৷ এনে পৰিস্থিতিত, ৰাতি গৰম গাখীৰ খোৱাটোৱে আপোনাক এই চাপৰ পৰা সকাহ পোৱাত সহায় কৰিব ৷ গাখীৰ খোৱাৰ পিছত, দিনটোৰ চাপ হ্ৰাস হ'ব আৰু আপুনি সকাহ অনুভৱ কৰিব ৷
অনিদ্ৰাৰ সমস্যা
ৰাতি গাখীৰ খোৱাৰ এয়া আটাইতকৈ ডাঙৰ লাভ ৷ ৰাতি টোপনি যোৱাৰ আগতে পাতল গৰম গাখীৰ খোৱাটোৱে আপোনাক খুব ভাল টোপনি দিব পাৰে ৷ এয়া ইতিমধ্যে বহু অধ্যয়নত প্ৰকাশ পাইছে ৷
লগতে পঢ়ক: Dental Care: সঁচাকৈ দাঁত পোকে খায়নে ? এই সন্দৰ্ভত কি কয় চিকিৎসকে ?
