একোচা সুন্দৰ আৰু উজ্জ্বল চুলি পাবলৈ আমি নকৰো কি? সাধাৰণতে বজাৰত উপলব্ধ চুলিৰ বাবে প্ৰয়োজনীয় সকলো সামগ্ৰীয়ে আমি ব্যৱহাৰ কৰো ৷ কিন্তু এনেবোৰ কাম কৰোতে বহু সৰু সৰু কথা আমাৰ অজ্ঞাতে ৰৈ যায় ৷ ইয়াৰ মাজতে আটাইতকৈ ডাঙৰ ভুল হৈছে তিতা চুলিৰে বাহিৰলৈ ওলোৱাটো ৷ চুলি তিতা থাকিলে ইয়াৰ গুৰিসমূহৰ ক্ষতিসাধন হৈ চুলি দুৰ্বল হৈ পৰে ৷ আমি আমাৰ অজ্ঞাতে এনে আৰু কিছুমান ভুল আমি কৰো, যিয়ে চুলিৰ ক্ষতি কৰে ৷ চাও আহক তেনেধৰণৰ কিছুমান ভুল :
- তিতা চুলি ফণিওৱা (Combing wet hair) :
বহু লোকে তিতা চুলি ফণিয়ায় ৷ সহজে চুলি শুকাবলৈ বহু লোকে এই পন্থা গ্ৰহণ কৰে ৷ কিন্তু এনে কৰাৰ ফলত তিতা চুলি অধিক দুৰ্বল হৈ পৰে ৷ যাৰ বাবে অধিক যত্নৰ প্ৰয়োজন ৷ সেয়েহে গা ধোৱাৰ পিছত চুলি ফণিওৱাৰ সলনি পূৰ্বে ফণিৱাওক ৷ তদুপৰি চুলিত সামান্য পৰিমাণে চিৰাম বা তেল ব্যৱহাৰ কৰক ৷ চুলি ফণিওৱাৰ ক্ষেত্ৰত পৰাপক্ষত বহল দাঁতৰ ফণী ব্যৱহাৰ কৰিব ৷ চুলি সামান্য পৰিমাণে তিতা থাকিলেহে ফণিৱাব ৷ কিয়নো অত্যধিক শুকান হোৱাৰ পিছত ফণিয়ালে চুলি সৰাৰ সম্ভাৱনা থাকে ৷ চেম্পু কৰাৰ পিছত কণ্ডিচনাৰ ব্যৱহাৰ কৰিবলৈ নাপাহৰিব ৷
- টাৱেলেৰে জোৰকৈ মচিবলৈ চেষ্টা নকৰাতো ভাল (Vigorously rubbing with a towel to dry them) :
সাধাৰণতে চুলিৰ গুৰিসমূহ দুৰ্বল হৈ থাকে, ইয়াত বেছি জোৰ প্ৰয়োগ কৰিলে চুলি সৰিবলৈ আৰম্ভ কৰে ৷ কোনো ব্যক্তিয়ে চুলি ধোৱাৰ পিছত যদি টাৱেলেৰে জোৰকৈ মচিবলৈ ধৰে, তেন্তে চুলি সৰা আৰম্ভ হ’বলৈ ধৰে ৷ সেয়ে জোৰকৈ ঘঁহাৰ সলনি কপাহী কাপোৰেৰে লাহে লাহে মচি দিয়ক ৷ ইয়ে আপোনাৰ চুলিৰ পৰা অতিৰিক্ত পানীখিনি বাহিৰ কৰাৰ লগতে সহজে চুলি শুকুৱাত সহায় কৰিব ৷ মনত ৰাখিব, তিতা চুলি কেতিয়াও নাবান্ধিব ৷ এনে কৰিলে উফি হোৱাৰ সম্ভাৱনা থাকে ৷ - তিতা চুলি বান্ধি থোৱা (Tying up wet hair) :
সাধাৰণতে গ্ৰীষ্মকালত গৰম আৰু ঘামৰ বাবে চুলি মেলি ৰখাটো তীব্ৰ প্ৰত্যাহ্বানজনক হ’ব পাৰে ৷ কিন্তু চুলি নবন্ধাকৈ ৰখাৰ ফলতো অধিক ক্ষতি হ'ব পাৰে । যদি আপুনি আপোনাৰ চুলি পনিটেল বা টান খোপা কৰি বান্ধে, তেন্তে চুলি সৰিব পাৰে ৷ লগতে মূৰত উফি আৰু খজুৱতি হোৱাৰ সম্ভাৱনা থাকে ৷ সেয়েহে কোনো ষ্টাইল কৰাৰ পূৰ্বে আপোনাৰ চুলি সম্পূৰ্ণৰূপে শুকাবলৈ দিয়ক ।
- তিতা চুলিত হিট দিয়া (Heat styling on wet hair) :
সাধাৰণতে বহু লোক বিশেষকৈ মহিলাসকলে চুলি শুকুৱাবলৈ হেয়াৰ ড্ৰায়াৰ ব্যৱহাৰ কৰে, যিয়ে চুলিৰ যথেষ্ট ক্ষতিসাধন কৰিব পাৰে । এনে ষ্টাইলিং সঁজুলি সম্পূৰ্ণৰূপে পৰিহাৰ কৰক ৷ যদি আপুনি ইয়াক ব্যৱহাৰ কৰিব বিচাৰে, তেন্তে এয়া নিশ্চিত কৰিব যাতে আপোনাৰ চুলিত পানীৰ পৰিমাণ কম হয় ৷ তিতা চুলিত ষ্ট্ৰেটনাৰ বা কাৰ্লাৰ ব্যৱহাৰ কৰাটো পৰাপক্ষত পৰিহাৰ কৰা উচিত ৷
- শোৱাৰ সময়ত চুলি বান্ধি থোৱা (Sleeping with your hair dripping) :
শোৱাৰ পূৰ্বে মূৰ ধোৱা পৰিহাৰ কৰক ৷ তিতা চুলিৰ সৈতে শুলে চৰ্দি হোৱাৰ সম্ভাৱনা অধিক হৈ পৰাৰ লগতে মূৰৰ ছালৰ সংক্ৰমণ হ’ব পাৰে ৷ তদুপৰি তিতা চুলিৰ বাবে চুলি সৰাও আৰম্ভ হয় ৷ কপাহৰ সলনি ৰেচমৰ গাৰু কভাৰ ব্যৱহাৰ কৰাটোও চুলিৰ বাবে ভাল ।
লগতে চাওক : নিদ্ৰাহীনতাই কেনেদৰে প্ৰভাৱিত কৰে আপোনাৰ চকুজুৰিক ?
