শৰীৰটোক ফিট কৰি ৰাখিবলৈ আটাইতকৈ গুৰুত্বপূৰ্ণ দিশটো হ’ল ব্যায়াম, জীৱনশৈলী আৰু সঠিক খাদ্যাভ্যাস ৷ ভাল জীৱনশৈলী আৰু খাদ্যাভ্যাস বজাই ৰাখিলে শৰীৰ সুস্থ হৈ থাকে ৷ শাৰীৰিকভাৱে সুস্থ হৈ থাকিবলৈ ব্যায়াম কৰাটো গুৰুত্বপূৰ্ণ ৷ ইয়াৰে ভিতৰত আটাইতকৈ সহজ ব্যায়ামেই হ’ল খোজ কঢ়া আৰু দৌৰা ৷ বহুতে দৌৰি ভাল পায় আৰু বহুতে খোজ কাঢ়ি ভাল পায় ৷ এই দুয়োটাৰে ভিতৰত কোনটো শ্ৰেষ্ঠ ? জানো আহক-
স্বাস্থ্যৰ ওপৰত নিৰ্ভৰ কৰে
খোজ কঢ়া আৰু দৌৰা দুয়োটাই আপোনাৰ স্বাস্থ্যৰ ওপৰত নিৰ্ভৰ কৰে ৷ এই দুয়োটা কামকে স্বাস্থ্যৰ বাবে অতি উপকাৰী বুলি গণ্য কৰা হয় ৷ খোজ কঢ়া বা দৌৰাৰ মাজৰ পৰা এটা বাছি ল’বলৈ হ’লে আপুনি আপোনাৰ স্বাস্থ্যৰ ওপৰত চকু ৰাখিব লাগিব আৰু এটা বুদ্ধিমানৰূপে বাছি ল’ব লাগিব ৷ যদি আপুনি ইয়াক ওজন কমোৱাৰ দৃষ্টিকোণৰ পৰা চোৱা হয় তেন্তে দৌৰাটো অধিক উপকাৰী হ’ব আৰু আপুনি ফিট হৈ থাকিবলৈ খোজ কাঢ়িব পাৰে ৷ এক প্ৰতিবেদন অনুসৰি দ্ৰুত খোজ কঢ়াৰ ফলত আপোনাৰ উচ্চ কলেষ্টেৰল, উচ্চ ৰক্তচাপ আৰু ডায়েবেটিছৰ সম্ভাৱনা বহু পৰিমাণে হ্ৰাস পায় ৷ ইয়াৰ উপৰিও কোষ্ঠকাঠিন্যৰ দৰে পেটৰ সৈতে জড়িত ৰোগৰ পৰাও সকাহ লাভ কৰিব পৰা যায় ৷
কিয় খোজ কাঢ়িব লাগে ?
এক প্ৰতিবেদন অনুসৰি খোজ কঢ়াৰ ফলত হৃদযন্ত্ৰৰ সৈতে জড়িত ৰোগৰ সম্ভাৱনা হ্ৰাস পায় ৷ ইয়াৰ উপৰিও খোজ কাঢ়িলে মানসিক চাপৰ মাত্ৰা হ্ৰাস পায় আৰু মানসিক চাপৰ পৰা উপশম পাব পাৰি, যাৰ ফলত আপুনি যথেষ্ট সতেজ অনুভৱ কৰে ৷ পেটৰ চৰ্বি কমোৱাৰ বাবে খোজ কঢ়াটো এটা ভাল বিকল্প হ’ব পাৰে ৷
কিয় দৌৰিব লাগে ?
যদি আপুনি অফিচত কাম কৰি গোটেই দিনটো লেপটপৰ সন্মুখত বহি থাকে, তেন্তে দৌৰাটো আপোনাৰ বাবে খুবেই লাভদায়ক৷ অবিৰতভাৱে বহি থাকিলে পেটৰ চৰ্বি বৃদ্ধি পায় ৷ সেয়ে পেটৰ চৰ্বি কম কৰিবলৈ প্ৰতিদিনে পুৱা দৌৰিব লাগে ৷ মেদবহুলতা হ্ৰাস কৰাৰ আটাইতকৈ সহজ উপায় হ’ল দৌৰা ৷ আচলতে দৌৰিলে কেলৰি কমি যায় যাৰ ফলত ওজন হ্ৰাস পায় ৷ দৌৰিলে ভৰিৰ পেশীবোৰো শক্তিশালী হয় ৷
লগতে পঢ়ক: শীতকালত চৰ্দি-কাহৰ পৰা পৰিত্ৰাণ পাবলৈ গ্ৰহণ কৰক ডালচেনি দিয়া চাহ
