বাস্তু শাস্ত্ৰৰ মতে, ঘৰত গছ-গছনি ৰোপণ কৰাটো অতি শুভ। কাৰণ গছ-গছনিৰ পৰা নিৰ্গত ধনাত্মক শক্তিয়ে সুখ, শান্তি আৰু সমৃদ্ধি কঢ়িয়াই আনে । সেউজীয়া গছবোৰ দেখিবলৈ যিমান ধুনীয়া সিমানেই মনটোক সমানে শান্ত কৰে । বাস্তু শাস্ত্ৰৰ মতে যদি ঘৰত সেউজীয়া উদ্ভিদ থাকে তেন্তে ধনাত্মকতাৰ প্ৰবাহ বাঢ়ে, যিয়ে প্ৰগতি, সুখ, আৰু সমৃদ্ধি অনাত সহায় কৰে ৷
কিন্তু বহু সময়ত মানুহে যিকোনো উদ্ভিদ ৰোপণ কৰি নিজৰ ঘৰৰ সৌন্দৰ্য বৃদ্ধি কৰা দেখা । কিন্তু বাস্তুৰ মতে তেনে কৰাটো উচিত নহয়, কাৰণ এই উদ্ভিদবোৰ বাস্তুৰ দোষৰ কাৰণ হৈ পৰে । ইয়াৰ বেয়া প্ৰভাৱ পৰিয়ালৰ সদস্যৰ জীৱনত দেখা যায় । একে সময়তে ঘৰৰ শান্তি বিঘ্নিত হৈ পৰিয়ালৰ লোকৰ অগ্ৰগতি স্তব্ধ হৈ পৰে । এই সকলোবোৰৰ কাৰণ ঘৰৰ কিছুমান গছ-গছনি, যিয়ে ঘৰত নেতিবাচকতা বৃদ্ধি কৰে । গতিকে জানো আহক এনে পৰিস্থিতিত ঘৰত নেতিবাচকতা বৃদ্ধি কৰা সেই উদ্ভিদবোৰ কি কি....
ভুলতো ঘৰত ৰোপণ নকৰিব এইসমূহ গছ
কাঁইটীয়া গছ কেতিয়াও ঘৰত ৰোপণ কৰিব নালাগে । বাস্তু শাস্ত্ৰৰ মতে এনে উদ্ভিদ ৰোপণ কৰিলে ঘৰত ঋণাত্মক শক্তিয়ে বাস কৰে । ইয়াৰ লগতে এনে উদ্ভিদে জীৱনত বহুতো সমস্যাৰ সৃষ্টি কৰে ।
বাস্তুৰ মতে যদি আঁহত গছ বেৰত বা ঘৰৰ কোনো চুকত গজিছে, তেন্তে তাক তৎক্ষণাত আঁতৰাই পেলাব লাগে ৷ কাৰণ ঘৰত ৰোপণ কৰা আঁহত গছটোৱে নেতিবাচকতা বৃদ্ধি কৰে ৷
ইয়াৰ উপৰিও যদি ঘৰৰ কোনো গছ-গছনি শুকাই গৈছে, তেনেহ’লে তাক অতি সোনকালেই আঁতৰাই পেলোৱাই ভাল । কোৱা হয় যে ঘৰত ৰখা শুকান উদ্ভিদ এটাই নেতিবাচকতা বৃদ্ধি কৰে আৰু ইয়াৰ বাবেই দেৱী লক্ষ্মী খঙত সেইখন ঘৰৰ পৰা ওলাই যায় ।
এই গছবোৰ ৰোপণ কৰিলে সমৃদ্ধি আহিব ঘৰত
বাস্তুৰ মতে ঘৰত বা অফিচত ধনৰ গছ ৰোপণ কৰাটো শুভ বুলি গণ্য কৰা হয় । এটা গ্ৰীণ মানি প্লাণ্ট গছে চাকৰি আৰু ব্যৱসায়ৰ অগ্ৰগতিৰ ইংগিত দিয়ে ।
ঘৰত তুলসী, মেৰিগল্ড আৰু চম্পা গছ ৰোপণ কৰাটোও শুভ বুলি গণ্য কৰা হয় । বাস্তু বিশেষজ্ঞৰ মতে ঘৰত তুলসী, মেৰিগল্ড, চম্পা গছ ৰোপণ কৰিলে ঘৰত ইতিবাচকতা বৃদ্ধি পায় ।
(Disclaimer: জনবিশ্বাসৰ ওপৰত ভিত্তি কৰি এই খবৰ লিখা হৈছে । এই বাতৰিত সন্নিৱিষ্ট তথ্য আৰু তথ্যৰ সঠিকতাৰ বাবে ইটিভি ভাৰত দায়ী নহয়)
লগতে পঢ়ক: Vastu tips: এখন ঘৰত সঠিক বাস্তু কেনেদৰে নিৰ্ণয় কৰিব পাৰি ?
