বতৰ সলনি হোৱাৰ লগে লগে ঠাণ্ডাও বৃদ্ধি পাবলৈ ধৰিছে এই সময়ছোৱাত বেছিভাগ মানুহেই গাঁঠিৰ বিষত ভুগিবলগীয়া হয় । যাৰ কাৰণে বয়স বৃদ্ধিৰ লগে লগে হাড় আৰু গাঁঠিৰ বিষ দেখা যায় । যাৰ বাবে বাতবিষো হ’ব পাৰে । এই ৰোগত গাঁঠিত সামান্যৰ পৰা তীব্ৰ বিষ হ’ব পাৰে । যদিও এই ৰোগ বয়সস্থ লোকৰ ক্ষেত্ৰত অধিক হোৱা দেখা যায়, কিন্তু এতিয়া কম বয়সীয়া লোকসকলো বাতবিষৰ বলি হ’বলৈ আৰম্ভ কৰিছে ।
স্বাস্থ্য বিশেষজ্ঞসকলে কয় যে, শৰীৰত ইউৰিক এচিডৰ মাত্ৰা বৃদ্ধি হ’লে বাতবিষৰ সমস্যাই দেখা দিয়ে । ইউৰিক এচিড গাঁঠিৰ হাড়ত প্ৰৱেশ কৰিলে স্ফটিকীয় গঠন গঢ় লৈ উঠে । এইবোৰে গাঁঠিবোৰক সহায় কৰা কুশ্বনবোৰ লাহে লাহে পাতল কৰি দিয়ে । ইয়াৰ বাবে গাঁঠিবোৰত বিষ হ’বলৈ আৰম্ভ কৰে । এনে পৰিস্থিতিত আপুনি কিছুমান ঘৰুৱা উপায়ৰ সহায় ল’ব পাৰে । এই প্ৰতিবেদনত আমি আপোনালোকক ক’বলৈ ওলাইছো যে কোনবোৰ পাত ব্যৱহাৰ কৰি গাঁঠিৰ বিষৰ পৰা উপশম পাব পাৰি ।
পদিনা পাত
পদিনা পাতেৰে প্ৰায়েই চাটনি তৈয়াৰ কৰা হয় । পদিনা স্বাস্থ্যৰ বাবে অতি উপকাৰী বুলিও গণ্য কৰা হয়৷ পদিনা পাতত আইৰণ, পটাছিয়াম, মেগনেছিয়াম, ভিটামিন এ আৰু ফ’লেট পোৱা যায় । ইয়াৰ এন্টি-ইনফ্লেমেটৰী গুণে প্ৰস্ৰাৱৰ পৰা পিউৰিন আঁতৰাই গাঁঠিৰ ফুলাৰ সমস্যা হ্ৰাস কৰে ।
ধনিয়া
ধনিয়া অবিহনে তৰকাৰী সোৱাদ সদায় আধৰুৱা । সেউজীয়া ধনিয়াই ইয়াৰ মৃদু সুগন্ধিৰে শাক-পাচলিৰ সোৱাদ সম্পূৰ্ণৰূপে সলনি কৰি পেলায় । আপোনালোকক জনাই দিও যে ধনিয়াই ৰক্তশৰ্কৰা নিয়ন্ত্ৰণ কৰে । ধনিয়াত প্ৰচুৰ পৰিমাণে থাইয়ামিন, ফছফৰাছ আৰু ভিটামিন চি পোৱা যায় । ইয়াৰ লগতে ই তেজত ইউৰিক এচিড আৰু ক্ৰিয়েটিনিনৰ মাত্ৰাও হ্ৰাস কৰে ।
ছালকুঁৱৰী
ছালৰ বাবে উপকাৰী বুলি বিবেচিত ছালকুঁৱৰী বা এলোভেৰা গাঁঠিৰ বিষতো উপকাৰী । এলোভেৰাৰ এন্টি-ইনফ্লেমেটৰী গুণ আছে, যিয়ে ফুলা কমাই বিষৰ পৰা উপশম দিব পাৰে । সাধাৰণতে ৰ’দত পোৰা, ব্ৰণ আৰু পিম্পল ব্ৰেকআউটৰ বাবে ছালকুঁৱৰী ব্যৱহাৰ কৰা হয় । কিন্তু ইয়াৰ ৰস খালে গাঁঠিৰ বিষৰ পৰাও সকাহ পোৱা যায় ।
লগতে পঢ়ক: Finger Tattoo: আঙুলিত ডিজাইনাৰ টেটু বনাব বিচাৰে নেকি ? কিন্তু প্ৰথমে ইয়াৰ বিপদ জানি লওক
