শীতকাল অহাৰ লগে লগে চৰ্দি-কাহৰ দৰে সমস্যাবোৰ বৃদ্ধি পাবলৈ আৰম্ভ কৰে ৷ দ্ৰুতগতিত বতৰ সলনি হৈ থকাৰ ফলত নানা ধৰণৰ শাৰীৰিক সমস্যাই দেখা দিয়ে ৷ বিশেষকৈ ২ৰ পৰা ১০ বছৰৰ শিশুৰ ক্ষেত্ৰত ৷ যাৰ বাবে এইদিনকেইটাত শিশুৰ উচিত যত্ন লোৱাটো খুবেই প্ৰয়োজন ৷
পুৱা ঠাণ্ডা বতাহ চলাচল কৰাৰ বাবে শিশুৰ চৰ্দি হ'ব পাৰে ৷ যেতিয়া চৰ্দি হয়, কাহ আৰু কফৰ সমস্যাই শিশুসকলক আটাইতকৈ বেছি আমনি কৰে ৷ আনহাতে ইয়াৰ ফলত শিশুৰ জ্বৰো হয় ৷ শিশুক শীতকালত ঠাণ্ডাৰ পৰা সুৰক্ষিত কৰিবলৈ ৰোগ প্ৰতিৰোধ ক্ষমতা শক্তিশালী হোৱাটো খুবেই জৰুৰী ৷ ইয়াৰ বাবে খোৱা-বোৱা, পৰিস্কাৰ-পৰিচ্ছন্নতা আদি সকলো দিশতে শিশুৰ যত্ন লোৱাটো খুবেই প্ৰয়োজনীয় ৷ এই কেইটা দিনত আপুনি আপোনাৰ সন্তানৰ প্ৰতি ল’বলগীয়া যত্নৰ বিষয়ে আজি এই প্ৰতিবেদনৰ জৰিয়তে জানো আহক-
পৰিস্কাৰ-পৰিচ্ছন্নতাৰ যত্ন ল'ব
শীতকালত শিশুৰ পৰিস্কাৰ-পৰিচ্ছন্নতাৰ যত্ন লোৱাটো অতি গুৰুত্বপূৰ্ণ ৷ তেওঁলোকক হাত ধোৱাৰ অভ্যাস কৰালে বহু ৰোগৰ পৰা বচাই ৰাখিব পাৰে ৷ খোৱাৰ আগত আৰু পিছত হাত পৰিস্কাৰ কৰাৰ অভ্যাস কৰাব ৷এই দিনকেইটাত শিশুৰ কাপোৰো পৰিস্কাৰ কৰি ৰাখিব লাগে ৷ শীতকালত শিশুসকলক সদায়েই গৰম পানীৰে গা ধোৱাৰ অভ্যাস কৰাব ৷
ফল-পাচলি খাবলৈ দিব
শীতকালৰ সময়চোৱাত তুলনামূলকভাৱে ৰোগ প্ৰতিৰোধ ক্ষমতা দুৰ্বল হৈ পৰে ৷ যাৰ ফলত শিশুসকল অধিক অসুস্থ হৈ পৰে ৷এই দিনকেইটাত ৰোগ প্ৰতিৰোধ ক্ষমতা বৃদ্ধি কৰিবলৈ শিশুসকলক নেমুৰ দৰে টেঙা ফল আৰু পাচলি খাবলৈ দিব ৷ শিশুৰ আহাৰত অন্তৰ্ভুক্ত কৰক শুকান ফল৷ কাঠবাদাম, আখৰোট শুকান ফল খোৱাটোৱে ৰোগ প্ৰতিৰোধ ক্ষমতা শক্তিশালী কৰে ৷
শৰীৰ হাইড্ৰেট কৰি ৰাখক
ঠাণ্ডাত ডিহাইড্ৰেচন বেছিকৈ হয়, কিয়নো অধিকাংশই এই দিনকেইটাত কম পানী খায় ৷ এই সমস্যাটো শিশুৰ ক্ষেত্ৰতো দেখা যায় ৷ সেয়েহে তৰল গ্ৰহণৰ প্ৰতি মনোযোগ দি আপুনি শিশুসকলক খোৱাৰ বাবে চুপ, ৰস আৰু গৰম পানী দিব ৷ শিশুটোৰ সুস্বাস্থ্যৰ বাবে সদায় পূৱা গৰম পানী খাবলৈ দিব ৷
ভৰি,কাণ, বুকু, পেট ঢাকি ৰাখিব
শীত কাল অহাৰ লগে লগে শিশুসকলক গৰম কাপোৰ পিন্ধোৱা আৰম্ভ কৰিব ৷ বিশেষকৈ শিশুৰ ভৰি, মূৰ আৰু পেট ভালদৰে ঢাকি ৰাখিব ৷ বুকু, মূৰ আৰু ভৰিত ঠাণ্ডা লাগিলে চৰ্দি লাগে ৷
আয়ুৰ্বেদিক প্ৰতিকাৰ
শিশুটোক চৰ্দি কাহৰ পৰা সুৰক্ষিত কৰিবলৈ আপুনি কিছুমান ঘৰুৱা প্ৰতিকাৰ গ্ৰহণ কৰিব পাৰে ৷ ঠাণ্ডাত দিনত এবাৰকৈ শিশুক হালধিৰ গাখীৰ দিব ৷ গাখীৰত চেনীৰ সলনি গুড় ব্যৱহাৰ কৰক ৷ শীতকালত শিশুৰ খাদ্যত আদা, নহৰু অন্তৰ্ভূক্ত কৰক ৷ এই খাদ্যই আপোনাৰ শিশুটিৰ শৰীৰক গৰম কৰি ৰখাই নহয় আৰু ৰোগ প্ৰতিৰোধ ক্ষমতা শক্তিশালী কৰাতো সহায় কৰিব ৷
লগতে পঢ়ক: Raisins: বিভিন্ন গুণাগুণেৰে ভৰপূৰ কিচমিচ; তিয়াই খালে পাব এই উপকাৰিতা
