কৰ’না মহামাৰীৰ সময়ত আমাৰ কিছুমান ভাল অভ্যাস গঢ়ি উঠিছিল ৷ ইয়াৰ ভিতৰত অন্যতম এটা হৈছে বাহিৰলৈ যাওঁতে মাস্ক পিন্ধাৰ অভ্যাস ৷ কিন্তু এই মহামাৰীৰ পাছত আমাৰ স্বাভাৱিক জীৱন-যাপনত বহুখিনি পৰিৱৰ্তন আহিল আৰু সেই অভ্যাসবোৰ পুনৰ নোহোৱা হ'ল ৷ কিন্তু এতিয়া আকৌ বতৰ সলনি হৈছে ৷
এই পৰিৱৰ্তিত বতৰত চৰ্দি, ঋতুগত ফ্লু আৰু প্ৰদূষণে মানুহৰ স্বাস্থ্যত খুব বেয়াকৈ প্ৰভাৱ পেলাইছে ৷ যাৰ বাবে এতিয়া পুনৰ মাস্ক পিন্ধাটো খুব জৰুৰী হৈ পৰিছে ৷ হয়, মাস্ক পিন্ধিলে কৰ’নাৰ লগতে ভাইৰেল ফ্লু, এলাৰ্জি তথা আন ৰোগৰ সম্ভাৱনাও হ্ৰাস হয় ৷ এই সময়ছোৱাত মাস্ক পিন্ধাৰ লাভালাভ সন্দৰ্ভত আজি জানো আহক-
- মাস্কে প্ৰদূষিত বিষাক্ত বায়ুৰ পৰা আমাক সুৰক্ষা দিয়ে ৷
- ই ছাল সম্পৰ্কীয় সমস্যাৰ পৰাও সুৰক্ষা দিয়ে ৷
- মাস্কে হাঁপানীৰ দৰে বহুতো শ্বাস-প্ৰশ্বাসজনিত ৰোগৰ পৰাও সুৰক্ষা দিয়ে ৷
- নিউমোনিয়া, এলাৰ্জিৰ দৰে ৰোগৰ পৰাও ই আমাক সকাহ দিয়ে ৷
- বিষাক্ত বায়ুত অতি সূক্ষ্ম ধূলিকণা পোৱা যায়, যি আমাৰ স্বাস্থ্যৰ পক্ষে ক্ষতিকাৰক ৷ এই ধূলিকণাবোৰ শ্বাসনলীৰ মাজেৰে হাঁওফাঁওলৈ যায় ৷ এইক্ষেত্ৰত মাস্ক ব্যৱহাৰে আমাক এইসমূহৰ পৰা সুৰক্ষিত কৰিব পাৰে ৷
- বাহিৰৰ প্ৰদূষণৰ ফলত হোৱা সকলো ধৰণৰ ক্ষতিৰ পৰাও মাস্কে আমাক সুৰক্ষিত কৰে ৷
- যেতিয়া কোনো সামাজিক দূৰত্ব নাথাকে, তেতিয়াও মাস্কে সংক্ৰমণৰ পৰা সুৰক্ষা দিয়ে ৷
কেনে মাস্ক পৰিধান কৰিব ?
সাধাৰণতে সকলোয়ে এন ৯৫, কেএন ৯৫, ছাৰ্জিকেল তথা কাপোৰেৰে নিৰ্মিত মাস্ক পিন্ধে, কিন্তু কোনটো মাস্ক আটাইতকৈ ভাল, তাক লৈ অধিকাংশৰে মনতে বিভ্ৰান্তি থাকে ৷
বিশেষজ্ঞসকলৰ মতে, যদি আমি উচ্চ বিপদাশংকা থকা এলেকাত কাম নকৰো, তেন্তে আমি কাপোৰৰ মাস্ক পিন্ধিব লাগে ৷ কিন্তু যদি আমাৰ কাম উচ্চ বিপদাশংকা হয় অৰ্থাৎ বাছ চালক বা গ্ৰোচাৰী দোকান, তেনেহ'লে অস্ত্ৰোপচাৰৰ মাস্ক বাছনি কৰিব লাগে ৷ আনহাতে, সংক্ৰমিত লোকৰ চাৰিওফালে কাম কৰা লোকসকলে এন ৯৫ বা কেএন ৯৫-ৰ দৰে মাস্ক ব্যৱহাৰ কৰিব লাগে ৷
লগতে পঢ়ক: দাঁত ক্ষয়ৰ বাবে মুখ খুলি হঁহাৰ পৰা বঞ্চিত হৈছে নেকি ? এনেদৰে পাওক সকাহ
