জ্যোতিষ সম্ৰাজ্ঞী ড৹ কৰবী বেজবৰুৱা
গুৱাহাটী, 2 জানুৱাৰী: ২০২৪ বৰ্ষ নম্বৰটো ৮ নম্বৰত আহে ৷ ৮ নম্বৰটো সদায় শনিৰ নম্বৰ হয় ৷ ২০২৪ বর্ষত শনি দেৱতাৰ প্ৰভূত্ব থাকিব ৷ শনি দেৱতাক ন্যায়ৰ দেৱতা বা কষ্টৰ দেৱতা বুলি কোৱা হয় ৷ যি সকলোকে শিক্ষা, কৰ্ম, গার্হস্থ্য যি দিশতে নহওক কিয় কষ্ট কৰি আছে তেওঁলোকে এই বর্ষত সেই কষ্টৰ ফল লাভ কৰিব ৷ ২০২৪ বর্ষতো নিজৰ ভুলবোৰৰ পৰা শিকাৰ বছৰ ৷ কৰি অহা ভুল সমূহ শুধৰাই শুদ্ধ পথত খোজ দিলে ২০২৪ বৰ্ষটো ভাল হ'ব ৷
২০২৪ বৰ্ষত কোনকেইটা জন্ম তাৰিখ অনুসৰি কেনেকুৱা হ'ব ?
- ৩,১২,২১,৩০ তাৰিখে জন্ম হোৱা লোকসকলৰ নম্বৰ হৈছে ৩, ৩ নম্বৰটো নিৰ্দেশ কৰে বৃহস্পতিয়ে ৷ বৃহস্পতি গ্ৰহক শনি গ্ৰহৰ সমগ্ৰহ বুলি কোৱা হয় ৷ এইবর্ষত যিসকল ব্যক্তিয়ে এইকেইটা তাৰিখত জন্মলাভ কৰিছে তেওঁলোকে শুভ ফল লাভ কৰিব পাৰিব ৷
- ৪,১৩,৩১ তাৰিখে জন্ম হোৱা লোকসকলৰ বাবে এইটো বৰ্ষ খুব বেছি শুভ ৷ কিছু আধৰুৱা কাম এইটো বছৰত সম্পূৰ্ণ হ'ব ৷
- ৫,১৪,২৩ তাৰিখে জন্মলাভ কৰা লোকসকলে ব্যৱসায়ীক, পঢ়া-শুনা আদিত ভাল ফল লাভ কৰিব ৷
- ৬,১৫,২৪ তাৰিখে জন্মলাভ কৰা লোকসকলৰ এইটো বছৰত কষ্ট থাকিব যদিও যিসকল সংবাদ, সংগীত আদি ক্ষেত্ৰৰ লগত জড়িত তেওঁলোকৰ বাবে এইটো বছৰ খুব বেছি ভাল হ'ব ৷
- ৮,১৭,২৬ তাৰিখে যিসকল লোকৰ জন্ম হৈছে তেওঁলোকৰ বাবে এইটো বছৰ ফলপ্ৰসূ হ'ব ৷ যি সমূহ আধৰুৱা কাম আছে সেই কামসমূহ এইটো বছৰতে সম্পূৰ্ণ হ'ব ৷
২০২৪ বৰ্ষত ৰাশি হিচাপে কেনে ফলাফল লাভ কৰিব ?
- মেষ, বৃষ, তুলা, ধনু, মকৰ, মিথুন, মীন এইকেইটা ৰাশিৰ জাতক-জাতিকাসকলে এইবর্ষত শুভফল ভাল কৰিব ৷ বৃষ ৰাশিৰ ক্ষেত্ৰত কিছু প্ৰত্যাহ্বান আহিব পাৰে, গুপ্ত শত্ৰুৱে লগ দিব পাৰে ৷ কিন্তু সামগ্ৰীকভাৱে চাবলৈ গ’লে এইকেইটা ৰাশিৰ ক্ষেত্ৰত শুভফল লাভ কৰিব ৷
- মেষ ৰাশিৰ জাতক-জাতিকাসকলৰ বাবে এই বৰ্ষটো খুব ভাল ৷ পূৰ্বৰ কিছুকামৰ বাবে এই বৰ্ষত শুভফল লাভ কৰিব ৷ বিনিয়োগসমূহ সঠিক পথেৰে আহিব ৷
- কুম্ভ ৰাশিৰ জাতক-জাতিকাসকলৰ বাবেও এই বৰ্ষটো ভাল ৷ সফলতা লাভ কৰিব ৷
- মকৰ ৰাশিৰ জাতক-জাতিকাসকলৰ বাবে এই বৰ্ষটো ধনাত্মক হ'ব ৷
- ধনু আৰু মীন জাতক-জাতিকাসকলৰ বিয়াৰ ক্ষেত্ৰত থকা বাধাসমূহ আঁতৰিব ৷
