গোটেই নিম গছজোপা আয়ুৰ্বেদৰ সম্পদ বুলি গণ্য কৰা হয়, ইয়াৰ পাত, ঠাৰি, ফল, ফুল সকলো স্বাস্থ্যৰ বাবে অতি উপকাৰী, কিন্তু আজি আমি ইয়াৰ পাতৰ গুণাগুণৰ বিষয়ে জানিবলৈ চেষ্টা কৰিম ৷ আপোনালোকক জনাই দিও যে নিমৰ পাতত এনে বহু ঔষধি গুণ পোৱা যায় যিয়ে স্বাস্থ্যক বহু সমস্যাৰ পৰা আঁতৰাই ৰাখিব পাৰে ৷ নিম সোৱাদত তিতা যদিও দৈনিক খালী পেটত ইয়াক সেৱন কৰিলে বহু সমস্যা দূৰ কৰিব পৰা যায় ৷
নিমপাত চোবাই খোৱাৰ ৩টা ডাঙৰ উপকাৰিতা
আপুনি জানেনে যে যদি প্ৰতিদিনে পুৱা ৫ৰ পৰা ৬টা নিমৰ পাত আমি চোবাই খাও, তেন্তে আমাৰ স্বাস্থ্যৰ যথেষ্ট উপকাৰিতা সাধন হয় ৷ নিমপাত শৰীৰৰ আভ্যন্তৰীণ আৰু বাহ্যিক দুয়োটা অংশৰ বাবে উপকাৰী ৷
১/ ৰক্তহীনতা নাইকিয়া হৈ যাব
খালী পেটত নিমপাত খালে স্বাস্থ্যৰ বহু উপকাৰিতা সাধন হয় ৷ আপোনালোকক জনাই দিও যে যিসকলে ৰক্তহীনতাৰ সমস্যাত ভুগিছে তেওঁলোকে নিমৰ পৰাই দিনটোৰ আৰম্ভ কৰাটো উচিত ৷ এনে কৰিলে ৰক্তহীনতাৰ সমস্যাৰ পৰা আপুনি শীঘ্ৰেই উপশম পাব পাৰিব ৷ আচলতে নিমৰ পাতবোৰত আইৰণ, জিংক, মেগনেছিয়াম আদি খনিজ পদাৰ্থ পোৱা যায়, যিবোৰে হিম’গ্লবিন গঠনত গুৰুত্বপূৰ্ণ ভূমিকা পালন কৰে ৷
২/ ছালৰ বাবে উপকাৰী
আপোনাৰ ছালৰ প্ৰাকৃতিক জিলিকনি বৃদ্ধিত নিমপাত অতি উপযোগী হ’ব পাৰে ৷ এনে অৱস্থাত নিমৰ পাত ভালদৰে ধুই খালী পেটত চোবাই খাব লাগে ৷ এনে কৰিলে আপুনি ছালৰ সমস্যাৰ পৰা সকাহ পোৱাই নহয় পিম্পল আৰু দাগ আঁতৰাব পাৰে ৷
৩/ ৰোগ প্ৰতিৰোধ ক্ষমতা বৃদ্ধি পাব
আজিৰ সময়ত শক্তিশালী ৰোগ প্ৰতিৰোধ ক্ষমতা থকাটো অতি প্ৰয়োজনীয় ৷ এনে অৱস্থাত খালী পেটত নিমৰ পাত খাব লাগে ৷ ইয়াৰ দ্বাৰা ৰোগ প্ৰতিৰোধ ক্ষমতা বৃদ্ধি হোৱাই নহয়, ইয়াত থকা এন্টি-অক্সিডেন্ট, এন্টি-বেক্টেৰিয়েল, এন্টি-ইনফ্লেমেটৰী, এন্টি-ফাংগেল আদি গুণে আপোনাৰ শৰীৰক বহু সংক্ৰমণৰ পৰা আঁতৰাই ৰাখিব ৷
লগতে পঢ়ক: Recycling of tea leaves: চাহ বনোৱাৰ পিছত চাহপাতখিনি পেলাই দিয়ে নেকি ? এনেদৰে কৰক পুনঃব্যৱহাৰ
