শীতকালত আমাৰ ছাল, চুলি ৰুক্ষ হৈ পৰে এনে ক্ষেত্ৰত ইয়াৰ সঠিক যত্ন লোৱাটো খুবেই জৰুৰী হৈ পৰে ৷ এনে ক্ষেত্ৰত বহুতে নিজৰ চুলিক লৈ বিভিন্ন সমস্যাত ভুগিবলগীয়া হয় ৷
আপুনিও শীতকালত আপোনাৰ চুলিক লৈ সমস্যাত পৰিছে নেকি ? মনত প্ৰশ্ন হয় নেকি ইয়াক কেনেকৈ ধুব বা চুলিৰ কেনেকৈ যতন ল’ব ৷ কিয়নো বতৰ সলনি হোৱাৰ লগে লগে আমাৰ শৰীৰতো বহুত পৰিৱৰ্তন হোৱা দেখা যায় ৷ গ্ৰীষ্মকালৰ তুলনাত শীতকালত অধিক এলাহ অনুভৱ হয় ৷ শীতকালক ঠাণ্ডা পানীৰে গা-ধোৱাটো অসহ্যকৰ লাগে ৷ সেয়েহে বহু লোকে শীতকালত ঠাণ্ডা পানীৰ পৰিৱৰ্তে গৰম পানীৰে গা-ধুৱে ৷ কেৱল গা ধোৱাই নহয়, একাংশই চুলিও আনকি গৰম পানীৰে ধোৱে ৷
কিন্তু আপুনি জানেনে যে গৰম পানীৰে চুলি ধোৱাৰ অপকাৰিতা কিমান ?
কিয়নো শীতকালত আপোনাৰ চুলি শুকান হ’বলৈ আৰম্ভ কৰে ৷ এনে পৰিস্থিতিত যদি আপুনি গৰম পানীৰে চুলি ধুৱে তেন্তে আপোনাৰ চুলি নষ্ট হৈ পৰিব পাৰে ৷
উল্লেখ্য যে, আমাৰ চুলি ঠাণ্ডাত শুকান হৈ পৰে ৷ ইয়াৰ ফলত চুলিৰ পৰা ওলোৱা প্ৰাকৃতিক তেলো কমি যায়, যাৰ বাবে চুলি ফাঁটিবলৈ আৰু সৰিবলৈ আৰম্ভ কৰে ৷ এনে পৰিস্থিতিত শীতকালত চুলিৰ বিশেষ যত্ন লোৱাটো অতি গুৰুত্বপূৰ্ণ ৷
গৰম পানীয়ে চুলিত বেয়া প্ৰভাৱ পেলায় গৰম পানীৰে চুলি ধুলে চুলিৰ প্ৰাকৃতিক আৰ্দ্ৰতা কমি যায়, যাৰ ফলত চুলি অতি শুকান হৈ পৰে ৷ ইয়াৰ উপৰিও ই আপোনাৰ চুলিৰ প্ৰাকৃতিক তেলতো বিৰূপ প্ৰভাৱ পেলায় আৰু ইয়াক নষ্ট কৰি পেলায়, যাৰ ফলত চুলিৰ চমক আৰু কোমলতা সম্পূৰ্ণৰূপে হেৰাই যায় ৷
